ទីក្រុងឡុងដ៍ ៖ យោងតាមការចេញផ្សាយ ពីគេហទំព័រ Japan Today បានប្រាប់ឲ្យដឹងថា ក្រុមហ៊ុនផលិតរថយន្តធំៗចំនួន ៥ កំពុងដំណើរការកាត់ក្តី នៅតុលាការជាន់ខ្ពស់ នៃទីក្រុងឡុងដ៍ កាលពីថ្ងៃចន្ទ ក្នុងជំពូកចុងក្រោយ នៃរឿងអាស្រូវការបំភាយឧស្ម័នម៉ាស៊ូត ដែលបានអង្រួន ឧស្សាហកម្មរថយន្ត ពិភពលោកអស់រយៈពេលមួយទសវត្សរ៍។
តុលាការកំពូលនឹងសម្រេចថា តើប្រព័ន្ធដែលបានដំឡើងក្នុងរថយន្ត របស់ក្រុមហ៊ុនផលិតរថយន្ត Mercedes ក្រុមហ៊ុនផលិតរថយន្ត Ford ក្រុមហ៊ុនផលិតរថយន្ត Peugeot-Citroen ក្រុមហ៊ុនផលិតរថយន្ត Renault និងក្រុមហ៊ុនផលិតរថយន្ត Nissan ត្រូវបានរចនាឡើង ដើម្បីក្លែងបន្លំច្បាប់ខ្យល់ស្អាត។ ខណៈចុងចោទទាំង ៥ ក្រុមបានបដិសេធការ ចោទប្រកាន់។
Martyn Day មេធាវីនៅ Leigh Day តំណាងអ្នកទាមទារបាននិយាយថា ការកាត់ក្តីដ៏ធំនឹងមានផលប៉ះ ពាល់ដល់ក្រុមហ៊ុនផលិតផ្សេងទៀត ដែលអាចមានសក្តានុពល បើកផ្លូវសម្រាប់រាប់ពាន់លានផោនជាសំណង។
រឿងអាស្រូវការបំភាយឧស្ម័ន ម៉ាស៊ូត បានផ្ទុះឡើងជាលើកដំបូងកាលខែកញ្ញា ឆ្នាំ ២០២៥ នៅពេលក្រុមហ៊ុនផលិត រថយន្តអាល្លឺម៉ង់ Volkswagen ត្រូវបានគេរកឃើញថា បានបន្លំការធ្វើតេស្តបំពុលដោយការដំឡើងឧបករណ៍ដែលហៅថា បរាជ័យដើម្បីកាត់បន្ថយការអានអុកស៊ីដអាសូត។ វាបណ្តាលឲ្យមានរលកក្នុង ឧស្សាហកម្មរថយន្តពិភពលោក ដោយចាប់បានក្រុមហ៊ុនផលិត រថយន្តកំពូលៗមួយចំនួនទៀត និងឈានទៅដល់ការចាត់វិធានកា រផ្លូវច្បាប់នៅប្រទេសមួយចំនួន។
ការកាត់ក្តីថ្មីដែលគ្រោងនឹង មានរយៈពេល ៣ ខែ គឺកើតឡើងបន្ទាប់ពីអ្នកបើកបរ ១.៨ លាននាក់នៅចក្រភពអង់គ្លេស បាននាំយកពាក្យបណ្តឹងប្រឆាំងនឹងចុងចោទនាំមុខទាំង ៥ ក៏ដូចជាក្រុមហ៊ុនផលិតផ្សេងទៀតដូចជា Jaguar Land Rover, Toyota, Vauxhall-Opel និង BMW ។
លោក Day បានប្រាប់ AFP ថា វាធំទូលាយជាង VW (Volkswagen)) វាគឺសម្រាប់ក្រុមហ៊ុនផលិត ស្ទើរតែទាំងអស់ ក្នុងប្រទេសនេះ។ ទោះបីជាមិនមែនក្រុមហ៊ុនផលិតរថយន្តទាំងអស់សុទ្ធតែជាផ្នែកនៃសវនាការដោយផ្ទាល់ក៏ដោយ ក៏ពួកគេនៅតែអាចតម្រូវឱ្យបង់ប្រាក់សំណងអាស្រ័យ លើការសម្រេចរបស់ចៅក្រម។
ការកាត់ក្តីដែលចាប់ផ្តើមនៅថ្ងៃចន្ទដំបូងត្រូវតែកំណត់ថា តើក្រុមហ៊ុនផលិតរថយន្តត្រូវទទួលខុសត្រូវដែរឬទេ មុនពេលដំណាក់កាលសំណងដាច់ដោយឡែកអាចកើតឡើងនៅឆ្នាំក្រោយ។
ក្រុមហ៊ុនផលិតរថយន្ត អាល្លឺម៉ង់ Mercedes បានប្រាប់ AFP ថា កម្មវិធីគ្រប់គ្រងការបំភាយឧស្ម័នគឺ ផ្អែកលើតម្រូវការបច្ចេកទេស មិនមែនជា ការប៉ុនប៉ងបោកប្រាស់ការធ្វើតេស្ត បទប្បញ្ញត្តិនោះទេ។ ចំណែកអ្នកនាំពាក្យម្នាក់បាននិយាយថា យន្តការទាំងនេះ សមហេតុផល តាមទស្សនៈបច្ចេកទេស និងផ្លូវច្បាប់។
ខណៈក្រុមហ៊ុន Mercedes និង ក្រុមហ៊ុនផលិតរថយន្តអាមេរិក Ford ទាំង ២ បានច្រានចោលការអះអាងនេះថា មិនមានគុណសម្បត្តិទេ ខណៈ Nissan របស់ជប៉ុនបដិសេធមិនធ្វើអត្ថាធិប្បាយ។ ក្រុមហ៊ុនផលិតបារាំង Renault និង Stellantis ដែលជាមេរបស់ Peugeot និង Citroen ទាំង ២ បាននិយាយថា រថយន្តដែលពួកគេលក់គឺគោរពតាមបទប្បញ្ញត្តិនៅពេលនោះ។
តុលាការកំពូលនៅឆ្នាំ ២០២០ បានរកឃើញថាក្រុមហ៊ុន Volkswagen បានប្រើប្រាស់ឧបករណ៍បរាជ័យ ក្នុងការបំពានច្បាប់របស់សហភាពអឺរ៉ុប ដើម្បីឆ្លងកាត់ការធ្វើតេស្តបំភាយឧស្ម័ន។
ក្រុមហ៊ុន Volkswagen បានដោះស្រាយចំណាត់ការ មួយចេញពីតុលាការ ដោយបានបង់ប្រាក់ចំនួន ១៩៣ លានផោន (២៥៩ លានដុល្លារ) ដល់អ្នកបើកបររថយន្តជនជាតិអង់គ្លេស ៩១,០០០នាក់។ រហូតមកដល់ពេលនេះ ក្រុមហ៊ុន Volkswagen ត្រូវបង់ប្រាក់ពិន័យជាង ៣២ ពាន់លានអឺរ៉ូ (៣៧ ពាន់លានដុល្លារ) លើរឿងអាស្រូវនេះ ដែលភាគច្រើននៅអាមេរិក៕
