គួរឲ្យដឹងដែរថាកីឡាករខ្សែបម្រើបារាំង ពានរង្វាន់ពិភពលោក Paul Pogba មកដល់ពេលនេះគឺបានបន្តអវត្តមាន ឲ្យក្លឹបបិសាចក្រហម Man United គិតចាប់តាំងតែពីថ្ងៃ Boxing Day និងការវះកាត់ក្បាលជង្គង់ ចុងក្រោយមួយកាលពី ខែមករាកន្លងទៅ។
កាលពីថ្ងៃអាទិត្យម្សិលមិញកីឡាកររូបនេះ បានចាប់ផ្តើមធ្វើការហ្វឹកហាត់សាជាថ្មី ហើយជឿជាក់ថាថែមទាំងអាចត្រឡប់ ចូលមកប្រកួតជួយលោក Solskjare ផង។ ការហ្វឹកហាត់ធ្វើឡើងនៅក្នុងទីក្រុងឌុបៃតែម្នាក់ឯង ខណៈដែលសមាជិកក្រុមផ្សេងទៀតធ្វើការ ហ្វឹកហាត់នៅប្រទេសអេស្បាញ។
ព័ត៌មានចេញផ្សាយជាច្រើន បានអះអាងនៅក្នុងកំឡុងដែលពេលកីឡាករនេះ សម្រាកព្យាបាលរបួសនោះ គឺថារូបគេនឹងមិនអាចបន្ត នៅជាមួយនឹង Old Traffordទៀតឡើយ នាចុងរដូវកាល នេះហើយក្នុងនោះមានReal Madrid និង Juventus ផងកំពុងរងចាំ។ប៉ុន្តែអ្វីដែលគួរឲ្យចាប់អារម្មណ៍ បំផុតនោះគឺថាសូម្បីតែក្លឹប២នៅអង់គ្លេសក៏កំពុង ត្រូវបានគេជឿជាក់ថាចាប់ផ្តើម ពិចារណាទៅលើកីឡាកររូបនេះ ផងដែរដូចជា Liverpool និង Man City៕
ប្រែសម្រួល៖ស៊ុនលី
