ឥណ្ឌា ៖ រដ្ឋាភិបាលឥណ្ឌា បានមានប្រសាសន៍ថា កម្មវិធីសុវត្ថិភាព តាមអ៊ីនធើណេតរបស់រដ្ឋ “cyber safety app” នេះមានសារសំខាន់ណាស់ ក្នុងការប្រយុទ្ធប្រឆាំងនឹងការគំរាមកំហែងធ្ងន់ធ្ងរ នៃសន្តិសុខ តាមអ៊ីនធើណេតទូរគមនាគមន៍ពីលេខ IMEI ស្ទួន ឬក្លែងបន្លំ ដែលធ្វើឲ្យមានការបោកប្រាស់ និងការប្រើប្រាស់បណ្តាញខុស យោងតាមការចេញផ្សាយពីគេហទំព័រ Indian Express ។
បទបញ្ជារបស់រដ្ឋាភិបាល បានបង្ហាញថា ក្រសួងទូរគមនាគមន៍ឥណ្ឌា បានស្នើសុំជាឯកជនដល់ក្រុមហ៊ុនផលិតស្មាតហ្វូន ឲ្យផ្ទុកកម្មវិធីសុវត្ថិភាព តាមអ៊ីនធើណេត របស់រដ្ឋសម្រាប់ ឧបករណ៍ថ្មីទាំងអស់ជាមុន ដែលជាចលនាមួយធ្វើឲ្យក្រមហ៊ុនបច្ចេកវិទ្យាយក្សអាមេរិក Apple និងអ្នកតស៊ូមតិឯកជនមានការខឹង សម្បារ ។
សម្រាប់ការដោះស្រាយការកើនឡើង នៃឧក្រិដ្ឋកម្មតាមអ៊ីនធណិត និងការលួចចូលប្រព័ន្ធថ្មីៗ ឥណ្ឌាកំពុងចូលរួមជាមួយអាជ្ញាធរទូទាំងពិភពលោក ថ្មីៗនេះនៅក្នុងប្រទេសរុស្ស៊ី ដើម្បីបង្កើតច្បាប់ ដែលរារាំងការប្រើប្រាស់ទូរស័ព្ទ ដែលត្រូវបានគេលួចសម្រាប់ការក្លែងបន្លំ ឬផ្សព្វផ្សាយកម្មវិធីសេវាកម្ម រដ្ឋាភិបាលដែលគាំទ្រដោយរដ្ឋ។
ក្រុមហ៊ុន Apple ដែលពីមុនបានឈ្លោះប្រកែក ជាមួយនិយតករទូរគមនាគមន៍ លើការអភិវឌ្ឍកម្មវិធីទូរសព្ទប្រឆាំងសារឥតបានការរបស់រដ្ឋាភិបាល គឺជាក្រុមហ៊ុនមួយក្នុងចំណោមក្រុមហ៊ុនដូចជា Samsung, Vivo, Oppo និង Xiaomi ដែលជាប់កាតព្វកិច្ចដោយបទបញ្ជាថ្មី។
បទបញ្ជាចុះថ្ងៃទី ២៨ ខែវិច្ឆិកា ទីភ្នាក់ងារសារព័ត៌មាន Reuters ឲ្យដឹងថា បានឃើញផ្តល់ពេល ៩០ ថ្ងៃដល់ក្រុមហ៊ុនស្មាតហ្វូនធំៗ ដើម្បីធានាថាកម្មវិធី Sanchar Saathi របស់រដ្ឋាភិបាលត្រូវបានដំឡើងជាមុននៅលើទូរស័ព្ទដៃថ្មី ដោយមានបទប្បញ្ញត្តិថាអ្នកប្រើប្រាស់មិនអាចបិទវាបានឡើយ។
នេះបើយោងតាមក្រសួង បាននិយាយលើបទបញ្ជារបស់ខ្លួន បានបញ្ជាក់ថា សម្រាប់ឧបករណ៍ដែលមានក្នុងខ្សែសង្វាក់ផ្គត់ផ្គង់រួចហើយ ក្រុមហ៊ុនផលិតគួរតែជំរុញ កម្មវិធីនេះទៅទូរសព្ទតាមរយៈការអាប់ដេតកម្មវិធី មិនត្រូវបានផ្សព្វផ្សាយជាសាធារណៈ និងត្រូវបានផ្ញើជាឯកជនទៅកាន់ ក្រុមហ៊ុនដែលបានជ្រើសរើស៕
