អាមេរិក៖ការស៊ើបអង្កេតរបស់ Reuters បានចោទប្រកាន់ថា ក្រុមហ៊ុនផ្សព្វផ្សាយបណ្តាញ សង្គមយក្សអាមេរិក Meta បានអនុញ្ញាតឲ្យការផ្សាយ ពាណិជ្ជកម្មក្លែងបន្លំ ដំណើរការនៅលើវេទិការបស់ខ្លួន ដោយបង្កើតប្រាក់ចំណូល រាប់ពាន់លានដុល្លារ ទោះបីជាមានការព្រមានផ្ទៃក្នុងក៏ដោយ យោងតាមការចេញផ្សាយពីគេហទំព័រ Indian Express ។
ក្រុមហ៊ុន Meta ដែលជាក្រុមហ៊ុនដឹកនាំដោយ Mark Zuckerberg ជាម្ចាស់វេទិកាប្រព័ន្ធផ្សព្វផ្សាយសង្គមដ៏ពេញនិយមបណ្តាញសង្គម Instagram Facebook និង WhatsApp បានរកឃើញខ្លួនឯង នៅចំកណ្តាលនៃភាពចម្រូងចម្រាសម្តងទៀត ខណៈក្រុមហ៊ុនបច្ចេកវិទ្យាយក្សនេះ ត្រូវបានគេរាយការណ៍ថា បានដំណើរការការផ្សាយ ពាណិជ្ជកម្មក្លែងបន្លំនៅទូទាំងពិភពលោក។
យោងតាមរបាយការណ៍ថ្មីៗមួយរបស់ Reuters ដកស្រង់ឯកសារផ្ទៃ ក្នុងរបស់ក្រុមហ៊ុន បាននិយាយថា Meta បានអនុញ្ញាតឲ្យក្រុមហ៊ុនចិន ដំណើរការការផ្សាយពាណិជ្ជកម្ម នៅលើវេទិកា និងទទួលបានប្រាក់ ចំណូលជាង ១៨ ពាន់លានដុល្លារពីការលក់ប្រចាំឆ្នាំកាលពីឆ្នាំមុន ដែលមានចំនួនជាង ១០ ភាគរយនៃប្រាក់ចំណូលសកលរបស់ក្រុមហ៊ុន ។
Reuters បានចេញផ្សាយថា ក្នុងចំណោមចំនួន ទឹកប្រាក់នេះ Meta ត្រូវបានគេរាយការណ៍ថា រកបានជាង ៣ ពាន់លានដុល្លារ ពីការផ្សាយពាណិជ្ជកម្មក្លែងបន្លំ ល្បែងស៊ីសងខុសច្បាប់ រូបភាពអាសអាភាស និង ខ្លឹមសារហាម ឃាត់ផ្សេងទៀត។ ឯកសារផ្ទៃក្នុងគឺជាផ្នែកមួយ នៃឃ្លាំងសម្ងាត់ នៃសម្ភារៈមិនបានរាយការណ៍ ពីមុនដែលបង្កើតឡើងក្នុងរយៈពេល ៤ ឆ្នាំកន្លងមក ដោយក្រុមនានានៅទូទាំងផ្នែកវិស្វកម្ម ហិរញ្ញវត្ថុ ការតស៊ូមតិ និងសុវត្ថិភាពរបស់ Meta។ របាយការណ៍ បានបន្ថែមថា ក្រុមហ៊ុនមានភាពស្ទាក់ស្ទើរ ក្នុងការអនុវត្តការជួសជុល ដែលអាចប៉ះពាល់ដល់ប្រាក់ចំណូលរបស់ខ្លួន។
ឯកសារត្រូវបានពិនិត្យដោយ Reuters បានបង្ហាញថា វេទិកា Meta ដូចជា Instagram Facebook និង WhatsApp ត្រូវបានហាមឃាត់ក្នុងប្រទេសចិន ការចេញផ្សាយនេះបាននិយាយថា ទីក្រុងប៉េកាំងអនុញ្ញាតឲ្យក្រុមហ៊ុនចិន ផ្សាយពាណិជ្ជកម្មដល់អ្នកប្រើប្រាស់បរទេស។ ជិត ២៥ ភាគរយ នៃការបោកប្រាស់ និងការផ្សាយពាណិជ្ជកម្មផលិតផល ហាមឃាត់ទាំងអស់នៅលើវេទិការបស់ Meta មានប្រភពមកពីប្រទេសចិន៕
