កាលពីថ្ងៃពុធ កាសែត អង់គ្លេស The Mirror បានចេញផ្សាយថា ក្លឹបបិសាចក្រហម Man United បានបង្ហាញជំហថា មិនខ្លាចក្នុងការប្រជែងជាមួយ នឹងក្លឹបតោខៀវ Chelsea ឡើយក្នុងការនាំយក កីឡាករខ្សែប្រយុទ្ធវ័យក្មេងកំពុង ឡើងជើង Jadon Sancho មកពីអាល្លឺម៉ង់វិញ នៅរដូវក្តៅនេះ។
កន្លងមកលោក Ed Woodward បានអះអាងយ៉ាងច្បាស់ហើយថា លោកនឹងត្រៀមកញ្ចប់លុយ ដ៏សំបើមមួយនៅរដូវក្តៅនេះហើយ ក្នុងនោះ Sancho គឺជាគោលដៅដ៏ធំបំផុត របស់ក្លឹបបើទោះបីជាបានដឹង ហើយថាតម្លៃរបស់កីឡាកររូបនេះ នឹងមិនក្រោម១២០លានផោន នោះឡើយ។
Sanchoក្នុងវ័យ១៩ឆ្នាំធ្លាប់ ជាកីឡាករឈុតយុវជនរបស់ ក្លឹបតោខៀវ Chelsea និងបានលក់ចោលទៅឲ្យ Dortmund ប៉ុន្តែក្រោយមកដល់អាល្លឺម៉ង់បានបង្ហាញ ទំរង់លេងដ៏ល្អលំដាប់ពិភពលោកបន្តរក បានគ្រាប់បាល់យ៉ាងច្រើន នារដូវកាលកន្លងមកនិងរដូវកាលនេះ បាន១២គ្រាប់និងជួយមិត្តរួម ក្លឹបបាន១៣គ្រាប់ផងដែរ៕
ប្រែសម្រួល៖ស៊ុនលី
