កាលីហ្វ័រញ៉ា៖យោងតាមការចេញផ្សាយ ពីគេហទំព័រ VN Express បានប្រាប់ឲ្យដឹងថា មហាវិទ្យាល័យសិល្បៈកាលីហ្វ័រញ៉ា របស់អាមេរិកនឹងបិទទ្វារជាស្ថាប័នឯករាជ្យមួយ បន្ទាប់ពីដំណើរការអស់រយៈពេល ១១៩ ឆ្នាំ ខណៈសាកលវិទ្យាល័យ Vanderbilt កំពុងរៀបចំខ្លួនដើម្បីទទួលយកបរិវេណសាលា សំខាន់របស់ខ្លួននៅសាន់ហ្វ្រាន់ស៊ីស្កូ នៅចុងឆ្នាំសិក្សា ២០២៦-២៧។
SFGATE បានរាយការណ៍ថា ការប្រកាសនេះ ធ្វើឲ្យគ្រូបង្រៀន និងបុគ្គលិកភ្ញាក់ផ្អើល ដែលភាគច្រើនបានដឹង អំពីការសម្រេចចិត្តនេះ កាលខែមករាតាមរយៈអ៊ីម៉េលផ្ទៃក្នុងពីប្រធាន CCA លោក David Howse។ សាលានឹងឈប់ទទួលសិស្សថ្មីនៅឆ្នាំក្រោយ ដែលជាការបញ្ចប់នៃស្ថាប័នសិល្បៈដ៏មានឥទ្ធិពលបំផុត មួយរបស់តំបន់ Bay Area។
តាមរយៈអ៊ីម៉ែលនោះ លោក Howse បាននិយាយថា ការធ្លាក់ចុះនៃចំនួន សិស្សចុះឈ្មោះចូលរៀន ការផ្លាស់ប្តូរប្រជាសាស្ត្រ និងឱនភាពរចនាសម្ព័ន្ធយូរអង្វែង បានរុញច្រានសាលាដែលពឹងផ្អែកលើថ្លៃ សិក្សានេះឲ្យហួសពីចំណុចងើបឡើងវិញ។
The San Francisco Standard បានដកស្រង់ពីលោកបានសរសេរថា នៅទីបំផុត គ្មានវិធានការណាមួយទាំងនេះគ្រប់គ្រាន់ដើម្បីធានាថា CCA អាចបន្តដំណើរការដោយឯករាជ្យបានទេ។ បញ្ហាហិរញ្ញវត្ថុរបស់ CCA បានកើនឡើងអស់រយៈពេលជាច្រើនឆ្នាំមកហើយ។ នៅឆ្នាំ ២០២៤ សាលាបានវិនិយោគប្រហែល ១២៣ លានដុល្លារអាមេរិក ដើម្បីបង្រួបបង្រួមបរិវេណសាលា Oakland និង San Francisco របស់ខ្លួន ប៉ុន្តែសិស្សចុះឈ្មោះចូលរៀនបានធ្លាក់ចុះយ៉ាងខ្លាំង បណ្តាលឲ្យមានឱនភាពថវិកាចំនួន 20 លានដុល្លារ។
ការបរិច្ចាគបន្ទាន់សរុបចំនួន ៤៥ លានដុល្លារកាលពីឆ្នាំមុន រួមទាំងការចូលរួមចំណែកដ៏សំខាន់ពីនាយកប្រតិបត្តិ Nvidia លោក Jensen Huang បានបង្កើនក្តីសង្ឃឹមនៃការរស់រានមានជីវិតមួយរយៈពេលខ្លី ប៉ុន្តែបានបង្ហាញថា ជាដំណោះស្រាយរយៈពេលខ្លី៕
