តូក្យូ៖ គណៈកម្មាធិការរៀបចំការប្រកួត កីឡាអូឡាំពិកទីក្រុងតូក្យូ ឆ្នាំ ២០២០ បាននិយាយថា សំបុត្រអូឡាំពិកទីក្រុងតូក្យូនឹងត្រូវបានផ្តល់ជូន សម្រាប់ទស្សនិកជនដែលរស់នៅក្រៅប្រទេសជប៉ុន នឹងចាប់ផ្តើមនៅពាក់កណ្តាលខែឧសភា ឆ្នាំ២០២០តទៅយោងតាមការចេញផ្សាយ ពីគេហទំព័រជប៉ុនធូដេ។
អ្នកទស្សនាដែលកំពុងធ្វើដំណើរទៅប្រទេសជប៉ុន សម្រាប់ការប្រកួតនៅរដូវក្តៅនេះចាប់ផ្តើមនៅថ្ងៃទី ២៤ ខែកក្កដានឹងអាចទិញសំបុត្រ ពីគេហទំព័រលក់សំបុត្រជាផ្លូវការ ឬពីអ្នកលក់បន្តដែលមានការអនុញ្ញាត ។ កាលបរិច្ឆេទពិតប្រាកដមិនទាន់ត្រូវបានកំណត់នៅឡើយទេ ។
សំបុត្រនឹងត្រូវបានផ្តល់ជូនសម្រាប់អ្នកដែលមកមុនបានមុន និងតាមអ៊ីនធើណេតមុនគេក៏ដូចជាតាមបញ្ជរនៅស្តង់លក់សំបុត្រនៅទូទាំងទីក្រុងតូក្យូ ។
អ្នកមិនមែនជាជនជាតិជប៉ុនក៏អាចទិញសំបុត្រនៅស្តង់លក់សំបុត្របានដែរ ។ សំបុត្រចំនួន ៤,៤៨ លានសន្លឹកត្រូវបានលក់ទៅឲ្យប្រជាជនជប៉ុនរួចហើយក្នុងពីរដំណាក់កាលដំបូង នៃការចាប់ឆ្នោតលក់សំបុត្រអូឡាំពិកក្នុងស្រុក ។ អ្នករៀបចំមិនបានបង្ហាញចំនួនសំបុត្រសរុបដែលអាចរកបានទេដោយប៉ាន់ស្មានថា មានជាង ៩ លាននាក់។
ប្រជាជនជប៉ុនអាចដាក់ពាក្យសុំឱកាសមួយទៀត ដើម្បីទិញសំបុត្រតាមរយៈឆ្នោតកាតប៉ុស្តាល់ចាប់ពីថ្ងៃទី ២០ ខែកុម្ភៈនិងថ្ងៃទី ១៣ ខែមីនាសម្រាប់អូឡាំពិក និង ប៉ារ៉ាឡាំពិករៀងៗខ្លួន។
ក្រុមអ្នករៀបចំកម្មវិធីបាននិយាយថាពួកគេកំពុងពិចារណានៅពេលដែលសំបុត្រប៉ារ៉ាឡាំពិកនឹងត្រូវបានដាក់លក់នៅលើមូលដ្ឋានដំបូងដែលមកមុននឹងបានមុន៕ ដោយ៖លី ភីលីព
