កូរ៉េខាងត្បូង៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា ការ Comment របស់តារាចម្រៀងស្រីកូរ៉េខាងត្បូង នាង Jennie សមាជិកក្រុមតារាចម្រៀងស្រីកូរ៉េខាងត្បូងដ៏ល្បីល្បាញ BLACKPINK បានបង្កឲ្យមានការរិះគន់យ៉ាងខ្លាំងចំពោះ Idol នេះដោយសារតែការចោទប្រកាន់ថា “ខ្ជិល” ពីមុន។
ក្នុងរយៈពេលប៉ុន្មានឆ្នាំចុងក្រោយនេះនាង Jennie ត្រូវបានរិះគន់យ៉ាងខ្លាំងបន្ទាប់ពីការចោទប្រកាន់ថា “ខ្ជិល” នៅលើឆាក។ ថ្មីៗនេះ បណ្តាញសង្គម X មួយបានចែករម្លែកសម្រង់សម្តីអតីតកាលរបស់ Jennie ដែល Idol រូបនេះពន្យល់ថា ដោយសារតែកាលវិភាគដ៏មមាញឹកនៅពេលផ្សព្វផ្សាយ មានពេលមួយដែលនាងមិនបានគេងរយៈពេលបួនថ្ងៃកន្លះ។
តាមពិតទៅ សម្រង់សម្តីនេះ បានមកពីការបង្ហាញខ្លួនពីមុនរបស់នាង Jennie នៅពេលនាងនិយាយអំពីកាលវិភាគដ៏មមាញឹករបស់នាង។
យ៉ាងណាក៏ដោយ គណនីដែលបានចែករម្លែកការបង្ហោះឡើងវិញនេះបាននាំឲ្យមានរលកនៃការរិះគន់ចំពោះតារារូបនេះ។ ជាពិសេស អ្នកលេងអ៊ីនធើណេតបានភ្ជាប់វាទៅនឹងការចោទប្រកាន់ “ខ្ជិលច្រអូស” របស់នាង ហើយអះអាងថា ជាជាងការគេង នាងធ្វើវានៅលើឆាក ឬថែមទាំងចោទប្រកាន់នាងថាកុហកទៀតផង៕
