យោងតាមការចេញផ្សាយ របស់ The Goal បានឲ្យដឹងថាលោក Xavier Vilajoana បានប្រាប់ទៅកាន់ក្រុមអ្នកសារព័ត៌មានថា គាត់មានផែនការក្នុងការចរចា ជាមួយនឹងកីឡាករ Harry Kane ប្រសិនបើគាត់នឹងក្លាយទៅជាប្រធានក្លឹបថ្មី។
លោក Vilajoana បច្ចុប្បន្នគឺជាបេក្ខភាពម្នាក់ ក្នុងចំណោម៤នាក់ ដែលនឹងអាចមកជំនួសតំណែង របស់ប្រធានក្លឹបបច្ចុប្បន្នបាននាពេលខាងមុខ។
ក្នុងនោះលោកបានគូសបង្ហាញអំពីផែនការ ក្នុងការចុះហត្ថលេខាយកកីឡាករ Harry Kane នៅក្រោយពេលដែលការបោះឆ្នោត ជាប្រធានក្លឹបនឹងធ្វើឡើងនៅខែក្រោយ។
លោកបានបញ្ជាក់បែបនេះថា អ្វីដែលយើងកំពុងខ្វះខាត នៅពេលនេះគឺ ជាកីឡាករខ្សែប្រយុទ្ធកណ្តាលដ៏ខ្លាំងម្នាក់ ដែលអាចលេងបានជាមួយនឹងគ្រប់គ្នាបាននៅក្នុងប្រអប់ប្រយុទ្ធ៕
ប្រែសម្រួល៖ស៊ុនលី
