ស៊ីដនី៖ យោងតាមការចេញផ្សាយពីគេហទំព័រ Japan Today បានប្រាប់ឲ្យដឹងថា ក្រុមការពារតំណែងជើងឯកចិន និងក្រុមជើងឯក ៣ សម័យកាល កូរ៉េខាងជើង បានឡើងទៅវគ្គ ៨ ក្រុមចុងក្រោយនៃព្រឹត្តិកាណ៍ការប្រកួតកីឡាបាល់ទាត់ពានរង្វាន់នារីអាស៊ី “Women’s Asian Cup” បន្ទាប់ពីឈ្នះ២ប្រកួតជាប់ៗគ្នាការប្រកួតក្នុងពូលនៅថ្ងៃសុក្រ។
ខ្សែបម្រើ Myong Yu Jong បានស៊ុតបញ្ចូលទីគ្រាប់ទី ៤ របស់នាងក្នុងពានរង្វាន់នារីអាស៊ី ដើម្បីដឹកនាំកូរ៉េខាងជើងឲ្យទទួលបានជ័យជម្នះ ៥-០។ ក្រោយមក ចិនបានយកឈ្នះអ៊ូសបេគីស្ថាន ៣-០ ដោយគ្រាប់បាល់របស់ Shao Ziqin នៅនាទីទី៣០ និងគ្រាប់បាល់ដំបូងរបស់ Li Qingtong ក្នុងចំណោមគ្រាប់បាល់ ២ គ្រាប់ក្នុងរយៈពេល ៥ នាទីចូលទៅក្នុងតង់ទី២។
កូរ៉េខាងជើងបានស៊ុតបញ្ចូលទីបាន ៨ គ្រាប់ក្នុងការប្រកួត ២ លើកដោយមិនអនុញ្ញាតឲ្យស៊ុតបញ្ចូលទីឡើយ។ បន្ទាប់ពីគ្រាប់បាល់ពីរគ្រាប់មុនរបស់កូរ៉េខាងជើងត្រូវបានលុបចោលដោយវីដេអូចាក់ឡើងវិញនៅថ្ងៃសុក្រ Kim Kyong Yong និង Myong បានស៊ុតបញ្ចូលទីនៅម៉ោងបន្ថែមតង់ទីមួយ ដើម្បីធ្វើឲ្យកូរ៉េខាងត្បូងនាំមុខ ២-០។
ការប្រកួតបើកឆាកពូលកាលពីថ្ងៃអង្គារ កីឡាការិនី Myong បានស៊ុតបញ្ចូលទី ៣ គ្រាប់ក្នុងតង់ទីមួយក្នុងជ័យជម្នះ ៣-០ របស់កូរ៉េខាងជើងលើអ៊ូសបេគីស្ថាន ហើយចិនបានយកឈ្នះបង់ក្លាដែស ២-០ ។ ការប្រកួតពូល B នឹងបញ្ចប់នៅថ្ងៃចន្ទនៅទីក្រុងស៊ីដនី នៅពេលកូរ៉េខាងជើងប្រកួតជាមួយចិន យកចំណាត់ថ្នាក់លេខ១ក្នុងពូល ហើយបង់ក្លាដែសប្រកួតជាមួយអ៊ូសបេគីស្ថាន។ ក្រុមកំពូល២ ក្នុងពូលនីមួយៗនឹងឡើងទៅវគ្គ៨ក្រុមចុងក្រោយ រួមជាមួយក្រុមលេខ៣ ល្អបំផុតពីរ។
ក្នុងពូល C នៅថ្ងៃសៅរ៍នៅទីក្រុង Perth រដ្ឋអូស្ត្រាលីខាងលិច វៀតណាមប្រកួតជាមួយតៃវ៉ាន់ និងជប៉ុនប្រកួតជាមួយឥណ្ឌា។ ការឈ្នះរបស់ជប៉ុន និងវៀតណាមនឹងទទួលបានកៅអីវគ្គ៨ក្រុមចុងក្រោយ។ ជប៉ុនបានយកឈ្នះតៃវ៉ាន់ ២-០ ហើយវៀតណាមបានយកឈ្នះឥណ្ឌា ២-១ ដោយស៊ុតបញ្ចូលទីមួយគ្រាប់នៅម៉ោងបន្ថែមកាលពីថ្ងៃពុធ។
ចំណែកពូល A អូស្ត្រាលី បានយកឈ្នះអ៊ីរ៉ង់ដែលរងទុក្ខដោយសង្គ្រាម ៤-០ កាលពីថ្ងៃព្រហស្បតិ៍ និងកូរ៉េខាងត្បូង បានឡើងទៅវគ្គបន្តរួចហើយ។ អូស្ត្រាលី និងកូរ៉េខាងត្បូង ដែលបានយកឈ្នះហ្វីលីពីន ៣-០ នឹងជួបគ្នានៅទីក្រុងស៊ីដនីនៅថ្ងៃអាទិត្យ ដើម្បីកំណត់ចំណាត់ថ្នាក់កំពូលក្នុងពូល។
បន្ទាប់ពីការចាញ់ពីរលើកជាប់ៗគ្នា អ៊ីរ៉ង់ត្រូវការជ័យជម្នះដ៏ធំមួយលើហ្វីលីពីន (០-២) នៅថ្ងៃអាទិត្យ ដើម្បីមានឱកាសឡើងទៅវគ្គ៨ក្រុមចុងក្រោយ និងឡើងទៅវគ្គបន្តសម្រាប់ព្រឹត្តិការណ៍ Women’s World Cup ឆ្នាំក្រោយនៅប្រទេសប្រេស៊ីល៕
