ទីបំផុតជារឿងសឹងមិនគួរ ឲ្យជឿមួយនៅពេល ដែលគណកម្មការគ្រប់គ្រង បាល់ទាត់ពិភពលោក UEFA បានសម្រេចចិត្តក្នុងការ ដាក់ទណ្ឌកម្មដល់ក្លឹប មេឃខៀវMan City មិនឲ្យមានវត្តមាន លេងក្នុងពានរង្វាន់ Champion League ដល់ទៅ២រដូវកាលជាប់គ្នាគិតចាប់ពី ឆ្នាំក្រោយទៅ។
ការប្រកាសនេះត្រូវបាន ធ្វើឡើងក្រោយគណកម្មាការនេះ បានរកឃើញភាពមិនប្រក្រតី នៃហិរញ្ញវត្ថុរបស់ក្លឹបហើយ ក្នុងនោះភ្លាមៗក៏មានប្រតិកម្មខ្លាំង ពីសំណាក់ ក្លឹបនិងបញ្ជាក់ថា ខ្លួននឹងធ្វើការប្តឹងទៅសាលា ឧទ្ទរណ៍បកវិញផងដែរ។
ក្រៅតែពីមិនអាចលេង នៅក្នុងពាន រង្វាន់ធំបំផុតរបស់អ៊ឺរ៉ុបមួយនេះ ផងហើយនោះMan Cityក៏ត្រូវទទួលរងជាប្រាក់ ពិន័យប្រមាណ ជា២៤,៩លានោន។ទោះបីជាយ៉ាងណាក្តី ការប្រកួតរដូវកាលនេះនឹងប្រព្រឹត្តិទៅធម្មតា ហើយជាក់ស្តែង Man Cityកំពុងស្ថិតនៅក្នុងវគ្គ ១៦ក្រុមចុងក្រោយប៉ះនឹងReal Madrid នាថ្ងៃទី២៦ ខែកុម្ភៈនេះហើយ៕
ប្រែសម្រួល៖ស៊ុនលី
