យោងតាមការចេញផ្សាយ របស់ The Goal បានឲ្យដឹងថាក្លឹបបិសាចក្រហម Man UTD បានត្រៀមខ្លួនរួចរាល់ហើយ ក្នុងការទទួលស្តាប់សំណើរ របស់ក្លឹបប្រជែងនៅលីគកំពូលអង់គ្លេសផ្សេងទៀត ដើម្បីអាចលក់កីឡាករខ្សែប្រយុទ្ធ Marcus Rashford ចេញពីបញ្ជីរបស់ខ្លួន។
កីឡាករសញ្ជាតិអង់គ្លេសរូបនេះ បច្ចុប្បន្នកំពុងបន្តលេងខ្ចីជើងនៅឡើយឲ្យក្លឹប Barcelona ប៉ុន្តែហាក់មិនទាន់មានភាព ច្បាស់លាស់នៅឡើយអំពីអនាគត របស់ខ្លួនជាមួយនឹងក្លឹប នៅអេស្បាញនេះខណៈដែលក្លឹបដើម Man UTD ក៏នឹងមិនមានបំណងចង់រក្សាទុក កីឡាកររូបនេះដូចគ្នាដែរ ។
តាមកញ្ចប់កុងត្រាខ្ចីជើង កន្លងមកមានន័យថា Barcelona អាចមានសិទ្ធក្នុងការទិញយក Rashford ដែលមានវ័យ២៨ឆ្នាំរូបនេះ ក្នុងតម្លៃខ្លួនប្រមាណជា៣០លានអឺរ៉ូ ប៉ុន្តែយ៉ាងណាក្តីព័ត៌មានចុងក្រោយបានបញ្ជាក់ថាក្លឹប Man UTD បែរជាមានបំណងលក់គាត់ ឲ្យទៅក្លឹបផ្សេងនៅអង់គ្លេសទៅវិញ ។
ចាប់តាំងពីពេលបានបង្ហាញខ្លួន នៅលីគកំពូលអេស្បាញមកRashford រកបាន១០គ្រាប់មកហើយក្នុងការប្រកួតទាំង៣៩ដង៕
ប្រែសម្រួល៖ស៊ុនលី
