កូរ៉េខាងត្បូង ៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា ជីវិតស្នេហារបស់តារាចម្រៀង Lalisa Manobal ហៅ Lisa បានក្លាយជាមនុស្សលេចធ្លោជាសមាជិកនៃក្រុមចម្រៀងនារីកូរ៉េខាងត្បូង Blackpink បានស្ថិតនៅក្រោមការសង្ស័យម្តងទៀតហើយ។
អស់រយៈពេលជាង ២ ឆ្នាំមកហើយនាង Lisa ត្រូវបានគេសង្ស័យថា មានទំនាក់ទំនងជាមួយលោក Frédéric Arnault នាយកប្រតិបត្តិនៃ TAG Heuer។ ការឃើញអ្នកទាំង ២នាក់នៅជាមួយគ្នាច្រើនដងនៅកន្លែងផ្សេងៗគ្នាជុំវិញ ពិភពលោកបានជំរុញ ឲ្យមានការសង្ស័យប៉ុណ្ណោះ ព្រោះភាគីទាំង ២ នាក់មិនបានឆ្លើយតបនឹងពាក្យចចាមអារ៉ាមនោះទេ។
ថ្មីៗនេះភស្តុតាងមួយបានបង្ហាញ ថា នាង Lisa នៅលីវក៏ទទួលបានការចាប់អារម្មណ៍ ដោយសារអ្នកគាំទ្រជាច្រើន មានមតិមិនសូវវិជ្ជមានចំពោះលោក Arnault មនុស្សជាច្រើនបានសង្ឃឹមថា ទំនាក់ទំនងពាក្យចចាមអារ៉ាមនេះនឹងបញ្ចប់។
ការបង្ហោះមួយដែលបានធ្វើឡើងនៅលើបណ្តាញសង្គម X ដោយអះអាងថា បង្ហាញលោក Arnault ជាមួយមិត្តស្រីថ្មី របស់គាត់ទទួលបានការចាប់អារម្មណ៍នៅលើប្រព័ន្ធផ្សព្វផ្សាយសង្គម។ រូបថតនេះបង្ហាញពីស្ត្រីនោះ និងលោក Arnault កំពុងឈរនៅមុខកញ្ចក់នៅក្នុងអ្វីដែលមើលទៅដូចជាហាងលក់សម្លៀកបំពាក់។
មនុស្សជាច្រើនបានបង្ហាញជំនឿលើអ្វី ដែលសារនោះបានបញ្ជាក់ ដោយបញ្ចេញមតិថា ពួកគេមានអារម្មណ៍ ធូរស្រាលចំពោះទំនាក់ទំនងរបស់គាត់ជាមួយនាង Lisa ដែលត្រូវបានបញ្ចប់។ទោះជាយ៉ាងណាក៏ដោយ ការក្រឡេកមើលរូបភាពទាំងនោះបង្ហាញឲ្យឃើញស្ត្រីនោះជាតារាម៉ូដែល និងជាអ្នកសរសេរប្លុកម៉ូដអាល្លឺម៉ង់ Caroline Daur។ Caroline Daur ត្រូវបានគេនិយាយថា ជាមិត្តរបស់ Delphine Arnault ដែលជាបងស្រីរបស់លោក Fréderic និងជាមិត្តរបស់ម៉ាក LMVH៕
