កូរ៉េខាងត្បូង៖យោងតាមការចេញ ផ្សាយពីគេហទំព័រ koreaboo បានប្រាប់ឲ្យដឹងថា វីដេអូមួយរបស់តារា ចម្រៀងបុ្រស លោក Jungkook សមាជិកក្រុម BTS បានបង្កឲ្យមានការជជែកវែកញែក ក្តៅគគុកនៅលើ ប្រព័ន្ធផ្សព្វផ្សាយ បណ្តាញសង្គមថ្មីៗនេះ ដែលពាក់ព័ន្ធនឹងពាក្យចចាម អារ៉ាមអំពីការណាត់ជួបរបស់លោកជាមួយ តារាចម្រៀងស្រីនាង Winter សមាជិកក្រុម Aespa។
កាលឆ្នាំ ២០២៥ លោក Jungkook និង នាង Winter ត្រូវបានជាប់ពាក់ព័ន្ធនឹងពាក្យចចាម អារ៉ាមអំពីការណាត់ជួបជុំវិញ “ស្នាមសាក់គូស្នេហ៍” ដែលនៅតែជាប្រធានបទក្តៅនៅឆ្នាំ ២០២៦ ។ការលាក់បាំងស្នាមសាក់ពីភាគីណាមួយក៏បានបង្កឲ្យមានការជជែកវែកញែក និងការរិះគន់ផងដែរ។
ថ្មីៗនេះ លោក Jungkook បានចែករម្លែកវីដេអូមួយនៅលើគណនីបណ្តាញសង្គម Instagram របស់លោក ជាវីដេអូដំបូងគេបង្អស់របស់តារារូបនេះ ។ វីដេអូ លោកបានបង្ហាញដោយផ្ទាល់នូវអ្វី ដែលកើតឡើងនៅពីក្រោយឆាក នៃការរៀបចំសម្រាប់ការប្រគំតន្ត្រី ចាប់តាំងពីលោកភ្ញាក់ពីដំណេក។
ក្នុងអំឡុងពេលមួយផ្នែក នៃវីដេអូ លោក Jungkook និងលោក V ត្រូវបានបង្ហាញថាកំពុងដុសធ្មេញ និងលេងសើចបន្តិច ។ អ្នកខ្លះបានចង្អុលបង្ហាញថាដៃឆ្វេងរបស់លោក Jungkook ជាកន្លែងដែលសាក់ត្រូវ បានគេសន្មត់ថាត្រូវបានដាក់ ហាក់ដូចជាច្បាស់ក្នុងវីដេអូ។
អ្នកគាំទ្រមួយចំនួនបានមើលឃើញថា វាជាការបញ្ជាក់ពីទំនាក់ទំនង គ្មានស្និទ្ធស្នាលរវាងនាង Winter និងលោក Jungkook ដោយពួកគេបាន «អបអរ» ថាពាក្យចចាមអារ៉ាមហាក់ដូចជានឹងឈប់។ម្យ៉ាងវិញទៀត អ្នកខ្លះមានអារម្មណ៍ថា ការកាត់តក្រោយ ការថតនឹងអាចលាក់ស្នាមសាក់បាន ហើយនេះមិនមែនជាភស្តុតាង ច្បាស់លាស់នោះទេ៕
