កូរ៉េខាងត្បូង៖យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា រូបភាពដែលអ្នកគាំទ្របានកែសម្រួលរបស់តារាចម្រៀង និងតារាសម្តែងកូរ៉េខាងត្បូងដ៏ល្បីឈ្មោះ នាង YoonA សមាជិកក្រុម Girls’ Generation ថ្មីៗនេះបានធ្វើឲ្យអ្នកគាំទ្រមានការតក់ស្លុត ដែលជំរុញឲ្យពួកគេរាយការណ៍ បញ្ហានេះទៅកាន់ផលិតកម្មរបស់នាង។
ថ្មីៗនេះ រូបភាពរបស់តារាស្រីរូបនេះ បានរីករាលដាលពាសពេញសហគមន៍អនឡាញ ក្នុងនោះនាងត្រូវបានគេឃើញ កំពុងថតរូបពោះទារកអាចមើលឃើញ។ បុរសម្នាក់ឈរក្បែរនាងដោយបិទមុខមួយផ្នែក បានយកដៃរបស់គាត់នៅលើពោះរបស់នាង ដោយបង្កើតការកំណត់ដូចរូបថត ២ ឬ៣សន្លឹក។ បុរសក្នុងរូបភាពខ្លួនឯងបានបង្ហោះរូបភាពនោះមុនគេ ហើយថែមទាំងបានដាក់ស្លាកនាង YoonA នៅលើការបង្ហោះនោះទៀតផង។
ទោះបីជាអ្នកគាំទ្របានដឹងភ្លាមៗថាវាជារូបភាពត្រូវបានកែសម្រួលដោយឌីជីថលក៏ដោយ ក៏ពួកគេនៅតែមានការតក់ស្លុត ខណៈអ្នកខ្លះបានស្វែងយល់កាន់តែស៊ីជម្រៅអំពីការបង្ហោះមុនៗរបស់បុរសនោះ ពួកគេបានរកឃើញថាគាត់ក៏បានប្រើរូបភាពរបស់ Sooyoung នៅក្នុងរូបភាពដែលបង្កើតដោយ AI ដើម្បីបង្កើតរូបថតគូស្នេហ៍ក្លែងក្លាយជាមួយនាង។ គាត់ក៏បានដាក់ស្លាក Sooyoung នៅក្នុងរូបថតនៅលើវេទិកាប្រព័ន្ធផ្សព្វផ្សាយសង្គមផងដែរ។
អាកប្បកិរិយាមិនសមរម្យ និងហួសហេតុរបស់បុគ្គលនេះបានធ្វើឲ្យអ្នកគាំទ្រ ព្រួយបារម្ភអំពីសុវត្ថិភាពរបស់សមាជិកក្រុម Girls’ Generation ដែលជំរុញឲ្យពួកគេទាមទារឲ្យមានសកម្មភាពផ្លូវច្បាប់ពី SM Entertainment ៕
