The SUnsports ចេញផ្សាយនៅថ្ងៃចន្ទទី៩ ខែមិនានេះបានឲ្យដឹងថា ក្លឹបតោខៀវ Chelsea បានត្រៀមខ្លួនរួចជាស្រេចហើយក្នុងការចចារ ទិញអ្នកចាំទីដៃទី១ របស់ក្លឹប Barcelona គឺកីឡាករ Marc Andre Ter Stegen ដោយសារគ្រូបង្វឹកក្លឹប លោក Frank Lampard នឹងសម្រេចចិត្តលក់អ្នកចាំទីបច្ចុប្បន្ន Kepaចេញពីក្លឹប។
តាមប្រភពអះអាងដដែលបានសរសេរទៀតថា ក្លឹបអង់គ្លេសមួយនេះ ក៏កំពុងធ្វើការងារតាមដានសកម្មភាពរបស់អ្នកចាំទីខ្លាំងរបស់ក្លឹប Ajax កីឡាករ Andre Onana និងអ្នកចាំទីជម្រើសទី១របស់ក្លឹបAC Milanកីឡាករ Gianluigi Donnarumma ផងដែរដោយជឿជាក់ថា Kepa នឹងប្រាកដជាត្រូវតែចាកចេញពី Stamford Bridge ទៅហើយនោះ។
Stegen ជាមួយនឹងក្លឹប Barcelona ក៏ហាក់ដូចជាមិនមានអនាគត ច្បាស់លាស់ដែរដោយសារកីឡាករដ៏មានឥទ្ធិពលបំផុត របស់ក្លឹប Lionel Messi បានផ្តល់យោបល់ ឲ្យក្លឹបក្នុងការលក់កីឡាករមួយចំនួនចេញបូករួមទាំង អ្នកចាំទី២៧ឆ្នាំនេះផងដែរ ដើម្បីប្រមូលទិញយក Neymarពីបារាំងមកវិញឲ្យ បាននៅរដូវកាលក្រោយ៕ ប្រែសម្រួល៖ស៊ុនលី
