ជ័យជំនះ២ទល់នឹង០ លើក្រុមមេឃខៀវ Man City កាលពីយប់មិញបានក្លាយទៅ ជាជ័យជំនះលើកទី៣ហើយក្នុង ការជួបគ្នាជាមួយ នឹងក្រុមអ្នកជិតខាងគ្នា ហើយក៏ជាប្រកួត មិនទាន់ស្គាល់បរាជ័យលើកទី១០ ហើយរបស់បិសាចក្រហម Man United។
ក្រោយជ័យជំនះនេះគ្រូបង្វឹកក្លឹបបិសាចក្រហមMan UnitedលោកOle Solskjareបានបញ្ជាក់បែបព្រមាន ទៅកាន់ក្រុមខ្លាំងទាំងពីរ របស់អង់គ្លេសគឺLiverpoolនិងMan Cityថាបិសាចក្រហមMan Unitedនឹងត្រឡប់ មកប្រជែងពានរង្វាន់វិញហើយ នារដូវកាលក្រោយនេះ។
លោកជឿជាក់ដែរថា ក្លឹបនឹងត្រូវការបន្ថែមកម្លាំងថ្មី២ឬ៣នាក់ទៀត ប៉ុណ្ណោះគឺគ្រប់គ្រាន់ក្នុងការប្រជែងជាមួយនឹងក្រុមខ្លាំង ទាំងពីរនេះនៅរដូវកាលក្រោយ។
Solskjaerបានបន្ថែមទៀតថាពួកយើងស្ថិតនៅ លើផ្លូវដ៏ត្រឹមត្រូវមួយក្នុងការ កសាងក្រុមដ៏ខ្លាំងមួយនាពេលខាងមុខ។ គួរបញ្ជាក់បច្ចុប្បន្នបិសាចក្រហមMan Unitedកំពុងស្ថិតនៅចំណាត់លេខរៀងទី៥ នៅឡើយក្នុងតារាងកំពូល របស់អង់គ្លេស ហើយនៅតែមានឧិកាសនៅឡើយដើម្បីប្រជែង យកកៅអីទៅលេង Champion League នៅរដូវកាលក្រោយ៕
ប្រែសម្រួល៖ស៊ុនលី
