ទោះបីជាបានបង្ហាញ ទំរង់ប្រយុទ្ធដ៏ល្អឥតខ្ជោះ ពេលបានផ្ទេរទៅលេងឲ្យក្លឹបBorussia Dortmund ក្តីប៉ុន្តែតាមការអះអាងរបស់អតីតកីឡាករ ឆ្នើមលំដាប់ពិភពលោកលោកSteve McManaman ដែលធ្លាប់លេងឲ្យក្លឹបយក្សនៅអ៊ឺរ៉ុបដូចជាReal Madridនិង Man Unitedផងបានបញ្ជាក់ថាកីឡាករErling Braut Haalandនឹងមិនសម្រេចចិត្តទៅលេង ជាមួយនឹងក្លឹបReal Madrid ដែរក្នុងឧិកាសមួយណាក្តី។
លោកMcManaman បានបញ្ជាក់ទៀតថា ទោះបីជារដូវក្តៅខាងមុខកីឡាកររូបនេះ បានសម្រេចចិត្តថាចង់ចាកចេញពីDortmundក្តីប៉ុន្តែ Real Madridគឺមិនមែនជាក្លឹបដ៏ត្រឹមត្រូវសម្រាប់Haalandឡើយ ដែលនេះវាបានធ្វើឲ្យក្លាយទៅជាដំណឹងដ៏ល្អមួយសម្រាប់ក្លឹបបិសាចក្រហមMan Unitedដែលបានប៉ុនប៉ង់និងព្យាយាមចង់បានHaalandជាយូរមកហើយ នោះផងដែរ។
លោកMcManaman បានបន្តថារដូវក្តៅនេះគឺមិនមែនជាពេលវេលាល្អសម្រាប់ ចាកចេញនៅឡើយ លោកលើកឡើងថាក្នុងវ័យនេះ កីឡាករគួរបន្តលេងឲ្យDortmundបានយ៉ាងហោចណាស់២០០ទៅ៣០០ប្រកួតនិងការប្រកួតនៅChampion League យ៉ាងហោចណាស់២០ ទៅ៣០ប្រកួតសិនដែរមុនធ្វើការសម្រេចចិត្តសាជាថ្មី៕ ប្រែសម្រួល៖ស៊ុនលី
