បរទេស៖ មនុស្សជាង ១,៦ លាននាក់ បានឆ្លងជំងឺកូវីដ១៩ នៅទូទាំងពិភពលោក ហើយចំនួនអ្នកស្លាប់ បានកើនលើសពី ១០១.០០០ នាក់ ដោយជិត ៧០ ភាគរយនៃករណីស្លាប់ កើតឡើងនៅអឺរ៉ុប ដែលរងគ្រោះខ្លាំង។
យោងតាមសារព័ត៌មាន Channel News Asia ចេញផ្សាយនៅថ្ងៃទី១១ ខែមេសា ឆ្នាំ២០២០ បានឱ្យដឹងថា សហរដ្ឋអាមេរិក ដែលជាចំណុចកណ្តាល នៃជំងឺរាតត្បាត បានកំណត់ ចំនួនអ្នកស្លាប់ថ្មីជាង ១៧០០ នាក់កាលពីថ្ងៃព្រហស្បតិ៍ ដែលចំនួននេះ ធ្លាក់ចុះបន្តិចពីចំនួនកំណត់ត្រា កាលពីថ្ងៃពុធ ដែលមានចំនួន ១,៩៧៣ នាក់ និងមានការឆ្លងជិត ៥០០.០០០ នាក់។
យ៉ាងណាក៏ដោយ ខណៈដែលបណ្តាប្រទេសអ៊ឺរ៉ុប មួយចំនួន ដែលរងការវាយប្រហារ ដោយជំងឺរាតត្បាត COVID-១៩ កំពុងចាប់ផ្តើមមើលឃើញ ការធ្លាក់ចុះ នៃការឆ្លងជំងឺនេះ អង្គការសុខភាពពិភពលោក (WHO) បានព្រមានយ៉ាងតឹងរឹង កាលពីថ្ងៃសុក្រ ប្រឆាំងនឹងការដកការរឹតត្បិត ឆាប់ៗនេះ ដោយនិយាយថា ការដកនេះ វាអាចនាំឱ្យមានការស្លាប់ កើតឡើងវិញ ៕
ប្រែសម្រួលៈ ណៃ តុលា
