នៅថ្ងៃនេះវិរៈបុរស របស់ក្លឹបកាំភ្លើងធំ Arsenal និងជម្រើសជាតិអង់គ្លេស លោកDavid Seaman បានធ្វើការបង្ហាញ ពីការមើលឃើញរបស់ខ្លួន យ៉ាងច្បាស់លាស់ថា កីឡាករអ្នកចាំទីJordan Pickford ដែលកំពុងធ្លាក់ទំរង់លេងនោះ គឺនៅតែអាចឈរនៅក្នុងបញ្ជីជម្រើសទី១ របស់ក្រុមតោបីអង់គ្លេសដដែល។
Dean Henderson ជាកីឡាករអង់គ្លេស ជម្រើសទី២ បន្ទាប់ពីPickfordកន្លងមក ប៉ុន្តែត្រូវបានគេមើលឃើញថា មានទំរង់លេងកាន់តែល្អ ប៉ុន្តែតាមបទពិសោធរបស់លោក Seaman ដែលបានលេងឲ្យក្រុមជម្រើសអង់គ្លេស ជាយូរមកហើយនោះ លោកនៅតែមានជំនឿចិត្ត លើអ្នកចាំទីEverton កីឡាករ Pickfordរូបនេះ។
គួរឲ្យដឹងដែរថា Pickford បានដើរតួយ៉ាងល្អ និងជាវិរៈបុរស របស់ក្រុមជម្រើសជាតិអង់គ្លេសផង កាលពីព្រឹត្តិការណ៍ កីឡាបាល់ទាត់ពិភពលោកឆ្នាំ២០១៨ នៅរុស្ស៊ី ប៉ុន្តែរដូវកាលចុងក្រោយនេះ ទំរង់លេងឲ្យEverton ហាក់បីដូចជាបានធ្លាក់បន្តិច ដែលបានធ្វើឲ្យតំណែងរបស់ខ្លួន នៅជម្រើសជាតិ កំពុងប្រឈមមុខ៕
ប្រែសម្រួល៖ស៊ុនលី
