សេអ៊ូល៖ យោងតាមទិន្នន័យដែល បានផ្តល់ដោយក្រសួងពាណិជ្ជកម្ម ឧស្សាហកម្ម និងថាមពលបានឱ្យដឹងថា ការនាំចេញរថយន្តទៅក្រៅ ប្រទេសរបស់កូរ៉េខាងត្បូងបានឈានដល់ ៤៨.៨០០ គ្រឿងក្នុងរយៈពេល ១៧ ថ្ងៃដំបូងនៃខែនេះ ដែលធ្លាក់ចុះយ៉ាងខ្លាំងពីចំនួន ៩០.០០៩ គ្រឿងដែលបានប្រកាសកាលពីឆ្នាំមុន។
ប្រភពបានបង្ហាញថា លទ្ធផលនៃការផលិតរថយន្តបានធ្លាក់ចុះ ១៩,២ ភាគរយក្នុងរយៈពេលដែលមានចំនួន ១៧១.៥៣៥ គ្រឿង ហេីយការនាំចេញដោយស្វ័យប្រវត្តិធ្លាក់ចុះ ៤៦ ភាគរយគិតត្រឹមពាក់កណ្តាលខែមេសា ចំពេលការរីករាលដាលនៃជំងឺរាតត្បាតកូវីដ- ១៩។
ការថយចុះនេះបានកើតឡើងនៅពេលដែលក្រុមហ៊ុនលក់រថយន្តនៅក្នុងទីផ្សារធំៗ រួមទាំងសហរដ្ឋអាមេរិក និងបណ្តាប្រទេសអ៊ឺរ៉ុប បានផ្អាកប្រតិបត្តិការរបស់ខ្លួនក្នុងខែនេះ ចំពេលដែលការរីករាលដាលនៃជំងឺ (COVID-១៩) ដែលបានជះឥទ្ធិពលយ៉ាងខ្លាំងដល់ការលក់រថយន្តរបស់កូរ៉េខាងត្បូង៕ដោយ ឈូក បូរ៉ា
