បរទេស៖ ជនជាតិអូស្រ្តាលីពីរនាក់ គឺឈ្មោះ Rob និង Phil Tindale បានទទូចថា ពួកគេបានឃើញ UFO ចំនួនពីរនៅលើមេឃ នៅខាងក្រៅផ្ទះ របស់ពួកគេនៅ Adelaide Hills កាលពីជិត ៤០ ឆ្នាំមុន នៅពេលពួកគេ មានអាយុ ១០ ឆ្នាំ។ ពួកគេបានពិពណ៌នាអ្វីដែលពួកគេបានឃើញថា ជាវត្ថុពណ៌លឿងភ្លឺ និងវត្ថុ ដែលបញ្ចេញពន្លឺក្រហម។
យោងតាមសារព័ត៌មាន Sputnik ចេញផ្សាយនៅថ្ងៃទី២១ ខែតុលា ឆ្នាំ២០១៩ បានឱ្យដឹងថា យោងតាមបងប្អូនទាំងពីរ ដែលបានដកស្រង់ សំដីរបស់ Daily Mail បានអោយដឹងថា ពួកគេបានប្រទះឃើញ យានទី ១ មួយ“ នៅពីលើព្រៃនៅចុងជ្រលងភ្នំ” ពីដីមុនពេលពន្លឺពណ៌ក្រហម មួយលេចចេញមក ហើយព្យាយាម ប្រឆាំងគ្នា មុនពេលហោះចេញ ។ វាហោះដោយល្បឿនលឿនបំផុត ហើយបានបាត់ខ្លួនក្នុងរយៈពេល ១៥ នាទី។ ពួកគេទាំងពីរបាននិយាយថា ក្នុងពេលដំណាលគ្នានោះ ពណ៌លឿងមួយបានធ្វើការចុះចតជាបន្ទាន់។
Phil បាននិយាយថា « យានទាំងពីរបានឆ្លងកាត់ជ្រលងភ្នំ ពីខាងក្រោយទៅមកជាច្រើនដង នៅក្នុងការដេញតាមគ្នាយ៉ាងសកម្ម។ នៅទីបំផុតពន្លឺពណ៌លឿង មួយបានពន្លឿនទៅខាងស្តាំ របស់យើងហើយបានបាត់ខ្លួន នៅពីក្រោយភ្នំ។ ពណ៌ក្រហមក៏បានទៅដែរ។ ទាំងខ្ញុំនិងបងប្រុសខ្ញុំ មិនប្រាកដថាតើរូបក្រហម បានហោះតាម ឬចាកចេញនោះទេ»។
យោងទៅតាមបងប្អូន ជនជាតិអូស្រ្តាលីទាំងពីរនេះ គឺតំបន់នេះមិនសូវមាន មនុស្សរស់នៅច្រើនទេ ហើយមិនមានសំលេងរំខានហើយ គ្មានសំលេងរំខាន នៅពេលយប់នោះដែរ៕ ប្រែសម្រួលៈ ណៃ តុលា
