ញូវយ៉ក ៖ ក្រុមអ្នកឃ្លាំមើល ភាពឯកជន និយាយថា កម្មវិធីវីដេអូ TikTok ដែលពេញនិយមកំពុង តែរំលោភច្បាប់ ឯកជនភាព របស់កុមារ ហើយធ្វើឲ្យកុមារជាច្រើននាក់ ប្រឈមនឹងហានិភ័យខ្ពស់ អំឡុងមេរោគកូរ៉ូណា វាយលុកពិភពលោក យោងតាមការចេញផ្សាយ ពីគេហទំព័រជប៉ុនធូដេ ។
ក្រុមចម្រុះចំនួន២០ក្រុមរួម ទាំងយុទ្ធនាការ ដើម្បីភាពជាកុមារគ្មានពាណិជ្ជកម្ម និងមជ្ឈមណ្ឌល ប្រជាធិបតេយ្យ ឌីជីថល បានដាក់ពាក្យបណ្តឹង ជាមួយគណៈកម្មការពាណិជ្ជ កម្មសហព័ន្ធថា TikTok កំពុងប្រមូលព័ត៌មានផ្ទាល់ខ្លួន របស់ក្មេងអាយុក្រោម ១៣ ឆ្នាំដោយគ្មានការ យល់ព្រមពីឪពុកម្តាយ ។
TikTok ជាកម្មសិទ្ធិ របស់ក្រុមហ៊ុនចិន ByteDance បានទទួលប្រជាប្រិយភាពយ៉ាងខ្លាំង ជាមួយយុវវ័យដោយសារតែភាព ទន់ភ្លន់អារម្មណ៍ ស្រាល និងភាពងាយស្រួល ក្នុងការប្រើប្រាស់។ ក្នុងពេលជាមួយគ្នានេះវា ត្រូវបានពិនិត្យពិចារណាយ៉ាងខ្លាំង ពីមន្រ្តីសហរដ្ឋអាមេរិក ដោយមានការព្រួយបារម្ភ អំពីហានិភ័យសន្តិសុខជាតិ ដោយសារតែភាពជាម្ចាស់របស់ចិន និងប្រជាប្រិយភាព របស់វាជាមួយកុមារ ។
ក្រុមហ៊ុន TikTok បានបង់ប្រាក់ពិន័យចំនួន ៥,៧ លានដុល្លារដល់ FTC ក្នុងឆ្នាំ ២០១៩ លើការប្រមូលព័ត៌មានផ្ទាល់ខ្លួន ពីក្មេងអាយុក្រោម១៣ឆ្នាំ គឺជាការរំលោភលើច្បាប់ ការពារសិទ្ធិឯកជន លើអ៊ីនធើណេតរបស់កុមារសហព័ន្ធ ។ វាបានផ្លាស់ប្តូរកម្មវិធីរបស់វាឡើងវិញ ជាមួយនឹងរបៀបដាក់កម្រិត សម្រាប់អ្នកប្រើប្រាស់វ័យក្មេង។
ប៉ុន្តែក្រុមឯកជននិយាយថា វាងាយស្រួលសម្រាប់កុមារ ក្នុងការប្រើប្រាស់ TikTok ដោយគ្មានការយល់ ព្រមពីឪពុកម្តាយ ។ ក្រុមទាំងនេះបាននិយាយ នៅក្នុងសេចក្តី ប្រកាសព័ត៌មានរួម ថា ក្មេងៗអាចចុះឈ្មោះ ជាមួយនឹងថ្ងៃខែឆ្នាំកំណើតក្លែងក្លាយ ដើម្បីប្រើកម្មវិធីពេញអាចធ្វើឲ្យ ពួកគេមានហានិភ័យ ចំពោះការប្រើប្រាស់ទិន្ន ន័យពាណិជ្ជកម្មរបស់ TikTok និងការទាក់ ទងមិនសមរម្យពី មនុស្សពេញវ័យ ៕ដោយ៖លី ភីលីព
