សង្គ្រាម ដើម្បីបានកុងត្រារបស់កីឡាករ ខ្សែប្រយុទ្ធមាឌយក្ស សំបូរដោយសាច់ដុំ Adama Traore បានកំពុងកើនកំដៅ ដោយសារតែតារាល្បី របស់ក្លឹបWolves រូបនេះ បានកំពុងទាក់ទាញ ក្លឹបកាន់ធំៗ កាន់តែច្រើនឡើង នៅពេលនេះ ។
ក្លឹបបិសាចក្រហម Man United ត្រូវបានគេជឿជាក់ថា បានចូលរួមជាមួយ នឹងក្លឹបហង្សក្រហម Liverpool ផងនិងមេឃខៀវ Man City ដើម្បីប្រជែងទិញ យកអតីតកីឡាករ របស់ក្លឹបBarcelonaរូបនេះ ខណៈដែលBayern Munichវិញ ក៏មានបំណងចង់ បានដូចគ្នាដែរ។
Traore បានកសាងសមត្ថភាព ខ្លាំងមែនទែន ចាប់តាំងតែពីបានចាកចេញ ពីអេស្បាញមកអង់គ្លេស ហើយជាពិសេសរដូវកាលនេះ ។ កម្លាំងដ៏ម៉ាំមួនរបស់Traore បានធ្វើឲ្យខ្សែការពារ គ្រប់ក្លឹបនៅលីគកំពូលអង់គ្លេស មានបញ្ហាពេលប៉ះជាមួយគ្នា សូម្បីតែកីឡាករជើងខ្លាំង របស់Liverpool កីឡាករRobertson ក៏បានសារភាពថា ពិតជាលំបាក ក្នុងការរារាំងកីឡាករ វ័យ២៤ឆ្នាំណាស់៕
ប្រែសម្រួល៖ស៊ុនលី
