អាមេរិក ៖ បើយោងតាម WABetaInfo បាននិយាយថា សេវាកម្មផ្ញើសារ WhatsApp កំពុងធ្វើការបន្ថែមមុខងារថ្មី សម្រាប់លេខកូដ QR ដើម្បីផ្តល់ភាព ងាយស្រួល ដល់អ្នកប្រើប្រាស់ ផ្នែកទំនាក់ទំនង ទៅក្នុងបញ្ជី របស់ពួកគេ ចំពេលដែលមេរោគកូរ៉ូណា វាយលុកពិភពលោក នេះបើយោងតាមការចេញ ផ្សាយពីគេហទំព័រឌៀលីម៉ែល ។
មុខងារថ្មីបច្ចុប្បន្ន មានតែនៅក្នុងបេតាប៉ុណ្ណោះ ប៉ុន្តែអ្នកដែលមានកំណែនេះ អាចប្រើវាបាននៅលើ iOS និង Android កំណែរបស់កម្មវិធី ដែលគ្រប់គ្រង ដោយFacebook ។ អ្នកប្រើប្រាស់ ដែលបានបើកមុខងារនេះ នឹងអាចបង្ហាញលេខកូដ QR ផ្ទាល់ខ្លួនរបស់ពួកគេ ទៅកាន់អ្នកដទៃ និងស្កេនលេខកូដ នៃគណនី WhatsApp ផ្សេងទៀត ។
លេខកូដ QR អាចត្រូវបានដកហូតវិញ ប្រសិនបើអ្នកប្រើប្រាស់ សម្រេចចិត្តថា ពួកគេមិនចង់ចែករម្លែកលេខ របស់ពួកគេជាមួយអ្នកផ្សេងទៀត នោះកំណត់ត្រាបេតាបញ្ជាក់ ។ លក្ខណៈពិសេសមួយនេះ អ្នកប្រើប្រាស់ WhatsApp បានស្នើសុំជាមធ្យោបាយ ងាយស្រួលក្នុងការបន្ថែមទំនាក់ទំនង ទៅកម្មវិធីដោយផ្ទាល់ ជាជាងការចែករម្លែក លេខទូរស័ព្ទ។
នៅពេលនេះ សម្រាប់អ្នកប្រើប្រាស់ ប្រព័ន្ធប្រតិបត្តិការ iOS បន្ថែមទំនាក់ទំនងទៅផ្ទាំងទំនាក់ទំនងនៅលើទូរស័ព្ទកម្មវិធី ហើយបន្ទាប់មកអាចផ្ញើសារ មកពួកគេក្នុង WhatsApp ។ ការបន្ថែមទំនាក់ទំនងថ្មីដោយស្កេន ឬចែករម្លែកលេខកូដ QR ត្រូវបានប្រើរួចហើយ ដោយប្រព័ន្ធផ្សព្វផ្សាយ សង្គមផ្សេងទៀតដូចជា Snapchat និង Twitter ។
វេទិកាផ្សេងទៀត ដែលគ្រប់គ្រង ដោយFacebook Instagram និងកម្មវិធីផ្ញើសារមានលេខកូដ QR ដែលអនុញ្ញាតឲ្យមនុស្ស ងាយស្រួលបន្ថែមទំនាក់ទំនង ឬចែករម្លែកព័ត៌មាន លម្អិតរបស់ពួកគេ ៕ ហ្វីលីប
