សេអ៊ូល៖ មន្រ្តីដឹកជញ្ជូនជាន់ខ្ពស់បានឲ្យដឹងថាប្រទេសកូរ៉េខាងត្បូង នឹងពិចារណាផ្តល់ជំនួយបន្ថែមដល់ក្រុមហ៊ុនអាកាសចរណ៍ ប្រសិនបើការផ្ទុះឡើងនៃវីរុសកូវីដ-១៩ បន្តប៉ះពាល់ដល់ឧស្សាហកម្មអាកាសចរណ៍។
អ្នកផ្តល់ប្រាក់កម្ចីគ្រប់គ្រងដោយរដ្ឋចំនួនពីររបស់ប្រទេស គឺធនាគារអភិវឌ្ឍន៍កូរ៉េ និងធនាគារអាហរ័ណនីហរ័ណកូរ៉េ បានប្រកាសកាលពីខែមុនថាពួកគេនឹងបញ្ចូលទឹកប្រាក់ចំនួន ២,៩ ពាន់ពាន់លានវ៉ុន (២,៣ ពាន់លានដុល្លារ) ទៅក្នុងក្រុមហ៊ុនអាកាសចរណ៍កូរ៉េ និងក្រុមហ៊ុនអាកាសចរណ៍ Asiana Inc ដែលត្រូវបានរងគ្រោះយ៉ាងខ្លាំងដោយជំងឺរាតត្បាតកូវីដ-១៩ ។
អនុរដ្ឋមន្រ្តីក្រសួងដឹកជញ្ជូនលោក Son Myoung-soo បានប្រាប់ទីភ្នាក់ងារសារព័ត៌មានយ៉ុនហាប់ថា“ យើងនឹងស្នើសុំកញ្ចប់ថវិកាបន្ថែមពីអាជ្ញាធរហិរញ្ញវត្ថុ សម្រាប់ក្រុមហ៊ុនអាកាសចរណ៍ប្រសិនបើការរីករាលដាលនៃវីរុសនេះបន្ដកើតមាន”៕ដោយ ឈូក បូរ៉ា
