ញូវយ៉ក ៖ កីឡាករវាយកូនបាល់ Roger Federer បានឈរនៅលើគេ ក្នុងបញ្ជីឈ្មោះអត្តពលិកពិភពលោក ទទួលបានប្រាក់ខែខ្ពស់បំផុត ប្រចាំឆ្នាំ ២០២០ របស់ទស្សនាវដ្តី Forbes ដោយនាំមុខគេ ជាមួយប្រាក់ចំណូលមុនពន្ធ ១០៦,៣ លានដុល្លារ (៩៥,៥ លានអឺរ៉ូ) យោងតាមការចេញផ្សាយ ពីគេហទំព័រជប៉ុនធូដេ ។
កីឡាករជើងឯកកីឡាវាយកូនបាល់ស្វ៊ីស ដែលជាម្ចាស់ជើងឯក Grand Slam ២០សម័យបានក្លាយជាកីឡាករទី១ ដែលឈរនៅលើកំពូលតារាង ប្រចាំឆ្នាំចាប់តាំងពីការបង្ហាញខ្លួន លើកដំបូងកាលពីឆ្នាំ ១៩៩០ ដោយកើនឡើង ពីចំណាត់ថ្នាក់លេខ៥ ក្នុងឆ្នាំ ២០១៩ ។ ការធ្វើដំណើររបស់ Federer ក្នុងរយៈពេល១២ ខែកន្លងមកនេះ រួមមានទឹកប្រាក់១០០ លានដុល្លារពីថ្លៃឈ្នួលបង្ហាញខ្លួន និងកិច្ចព្រមព្រៀងយល់ព្រមបូក នឹងប្រាក់រង្វាន់ចំនួន ៦,៣ លានដុល្លារ ។ ការបង្ហាញដ៏ល្អបំផុត ពីមុនរបស់លោក គឺលើកទី ២ ក្នុងឆ្នាំ ២០១៣ ។
សាស្រ្តាចារ្យជំនួញកីឡា នៃសាកលវិទ្យាល័យ Southern California លោក David Carter បានប្រាប់ទស្សនាវដ្តីនេះថា កេរ្តិ៍ឈ្មោះ របស់លោក គឺមានតម្លៃខ្ពស់ ដែលជាហេតុ ធ្វើឲ្យអ្នក ដែលមានលទ្ធភាព សម្របខ្លួនជាមួយលោកបាន ។ ការរាតត្បាតនៃមេរោគកូរ៉ូណា កំពុងបន្តកើតមានធ្វើកីឡា នៅទូទាំងពិភពលោកបិទ គឺបណ្តាលឲ្យមានការធ្លាក់ចុះជាលើកដំបូងចាប់តាំងពីឆ្នាំ ២០១៦ មកនៅក្នុងប្រាក់ចំណូលសរុប របស់អត្តពលិកដែលរកចំណូល បានច្រើនជាងគេ ១០០ នាក់ គឺធ្លាក់ចុះ ៩ ភាគរយពីឆ្នាំមុនដល់ ៣,៦ ពាន់លានដុល្លារ ។
តារាបាល់ទាត់ព័រទុយហ្កាល់ Cristiano Ronaldo ឈរ នៅលំដាប់ទី ២ ក្នុងបញ្ជី ១០៥ លានដុល្លារប្រាក់ខែ ៦០ លានដុល្លារ និង ៤៥ លានដុល្លារពីការ យល់ព្រមដោយវីរបុរស បាល់ទាត់ អាហ្សង់ទីន Lionel Messi ឈរនៅលេខ ៣ លើទឹកប្រាក់ ១០៤ លានដុល្លារ និង ៣២ លានដុល្លារ ដែលទទួលបានពីកិច្ចព្រមព្រៀងឧបត្ថម្ភនានា ។
កីឡាករ Messi និង Ronaldo ស៊ីដាច់ជាងគេ នៅក្នុងរយៈពេល៣ឆ្នាំចុងក្រោយនេះ ឃើញថា ប្រាក់ចំណូលរួមរបស់ពួកគេ បានធ្លាក់ចុះចំនួន ២៨ លានដុល្លារ កាលពីឆ្នាំមុន ដោយសារការកាត់បន្ថយប្រាក់ខែ នៅពេលក្លិបអឺរ៉ុប បញ្ឈប់ការលេងនៅខែមីនា ។
កីឡាករបាល់ទាត់ប្រេស៊ីល Neymar ឈរនៅលំដាប់ទី ៤ លើទឹកប្រាក់ ៩៥,៥ លានដុល្លារ ២៥ លានដុល្លារ ពីការយល់ព្រម ខណៈដែលតារាបាល់បោះ NBA LeBron James មកពី Los Angeles Lakers ស្ថិតនៅលេខ ៥ លើ ៨៨,២ លានដុល្លារ ៦០ លានដុល្លារពីការយល់ព្រម ។ ស្តេចបាល់បោះ NBA Stephen Curry របស់ Golden State Warriors ឈរនៅលេខ ៦ លើទឹកប្រាក់ ៧៤,៤ លានដុល្លារជាមួយអតីតមិត្តរួមក្រុម Kevin Durant លើ ៦៣,៩ លានដុល្លារ។
កីឡាករ Tiger Woods ជាម្ចាស់ជើងឯក Masters និងជាម្ចាស់ជើងឯកធំ ១៥ សម័យកាលបានឈរ នៅចំណាត់ថ្នាក់លេខ ៨ ក្នុងបញ្ជី និងឈរនៅចំណាត់ថ្នាក់កំពូល ក្នុងចំណោមកីឡាករវាយកូនហ្គោល ក្នុងតម្លៃ ៦២,៣ លានដុល្លារ ប៉ុន្តែទឹកប្រាក់ចំនួន ២,៣ លានដុល្លារពីកិច្ចព្រមព្រៀង ឧបត្ថម្ភនានា៕
ដោយ៖លី ភីលីព
