ឡុងដ៍៖ ព្រឹត្តិការណ៍ ការប្រកួតដណ្តើមពានង្វាន់ FA Cup នាវគ្គផ្តាច់ព្រ័ត្រ គ្រោងនឹងធ្វើឡើងនៅថ្ងៃទី ១ ខែសីហា បន្ទាប់ពីសមាគមបាល់ទាត់អង់គ្លេស បានប្រកាសកាលបរិច្ឆេទ បណ្តោះអាសន្ន ដើម្បីបញ្ចប់ការប្រកួត កាលថ្ងៃសុក្រ នេះបើយោងតាមការចេញផ្សាយ ពីគេហទំព័រជប៉ុនធូដេ។
បន្ទាប់ពីក្របខណ្ឌ Premier League បានបង្ហាញថា ពួកគេមានគម្រោង នឹងបន្តរដូវកាលនៅថ្ងៃទី ១៧ ខែមិថុនានោះ FA Cup ក៏បានវិលត្រឡប់ ទៅរកបញ្ជីឈ្មោះរបស់អង់គ្លេស ដែលមានភាពច្របូកច្របល់ ដោយមេរោគនេះ។ ពានរង្វាន់ FA Cup ត្រូវបានបញ្ឈប់មុនវគ្គ ១/៤ ផ្តាច់ព្រ័ត្រ ដោយសារជំងឺរាតត្បាត ប៉ុន្តែអ្នករៀបចំការប្រកួតសង្ឃឹមថា នឹងបញ្ចប់វានៅក្បែរ Premier League ។
ការប្រកួតចំនួន ៤ គូក្នុងវគ្គ ៨ ក្រុមចុងក្រោយ នឹងត្រូវប្រកួតនៅចុងសប្តាហ៍ទី ២៧ និង ២៨ ខែមិថុនា ដោយមិនទាន់មានការសម្រេចចិត្ត ថាតើការប្រកួតទាំងនេះ នឹងត្រូវលេងនៅលើទឹកដី និងក្រៅផ្ទះជារឿងធម្មតា ឬនៅទីអព្យាក្រឹតឡើយ។
Leicester ដណ្តើមបានក្រុមតោខៀវ Chelsea, ក្រុម Newcastle ប្រឈមមុខនឹងក្រុម Manchester City, Sheffield United លេងជាមួយ Arsenal និង Norwich ជួប Manchester United ។ ការប្រកួតវគ្គពាក់កណ្តាលផ្តាច់ព្រ័ត្រ នឹងត្រូវប្រកួតនៅថ្ងៃទី ១១ និង ១២ ខែកក្កដា ដោយមានគោលបំណង សម្រាប់ការប្រកួតទាំងនោះ និងវគ្គផ្តាច់ព្រ័ត្រ នឹងត្រូវប្រកួតនៅកីឡដ្ឋាន Wembley ដូចធម្មតា៕ ដោយ៖លី ភីលីព
