អាមេរិក៖ កម្មវិធីស្កែនប៉ូលីស “Police scanner”បានវ៉ាដាច់យ៉ាងខ្លាំង Facebook និង Instagram ក្នុង App Store ដោយមានការទាញយក មកប្រើប្រាស់ចំនួន ២១៣,០០០ នៅចុងសប្តាហ៍នេះ នៅពេល ប្រជាជនអាមេរិក រាប់ពាន់នាក់បានតវ៉ាប្រឆាំង នឹងការស្លាប់របស់លោក George Floyd នៅពាសពេញសហរដ្ឋអាមេរិក នេះបើយោងតាមការចេញផ្សាយពីគេហទំព័រឌៀលីម៉ែល។
ទិន្នន័យបង្ហាញថា ប្រភេទនៃកម្មវិធីទាំងនេះ ត្រូវបានទាញយក ២១៣,០០០ដងនៅចុងសប្តាហ៍មុន ហើយគិតត្រឹមថ្ងៃអង្គារ ចំព 5-0 Radio Pro Scanner គឺជាកម្មវិធីដែលបង់ប្រាក់តាមលេខមួយ។ កម្មវិធី Police scanner អនុញ្ញាតឲ្យអ្នកប្រើប្រាស់ ស្តាប់ការហៅទូរស័ព្ទរបស់ប៉ូលីសផ្ទាល់ ព្រមទាំងឲ្យពួកគេស្តាប់ ព័ត៌មានថ្មីៗអំពីកន្លែងស្នាក់នៅរបស់ពួកគេ គឺជាកម្មវិធីចាំបាច់ សម្រាប់អ្នកតវ៉ានៅទូទាំង សហរដ្ឋអាមេរិក។
ទិន្នន័យទាញយកត្រូវ បានចងក្រងដោយក្រុមហ៊ុន ស៊ើបការណ៍ Apptopia លើ App storeបានរកឃើញថា កម្មវិធី Police scanner មានការកើនឡើង ១២៥ ភាគរយនៅចុងសប្តាហ៍នេះបើប្រៀបធៀប ទៅនឹងចុងសប្តាហ៍មុន។ លោក Allen Wong អ្នកបង្កើត 5-0 Radio បានប្រាប់ថា៖ ចុងសប្តាហ៍នេះគឺជាការកើន ឡើងធំបំផុតនៅក្នុងកម្មវិធីស្តាប់5-0 Radio ស្ថិតក្នុងប្រវត្តិសាស្រ្តរយៈពេល១០ ឆ្នាំនៃកម្មវិធីនេះ។
លោក Floyd បានស្លាប់នៅថ្ងៃទី ២៥ ខែឧសភា នៅទីក្រុង Minneapolis រដ្ឋ Minnesota នៅពេលដែលមន្រ្តីប៉ូលីស Derek Chauvin បានយកជង្គង់សង្គត់លើកញ្ចឹងករហូតដល់លោក បាត់បង់ស្មារតី៕ ដោយ៖លី ភីលីព
