បរទេស៖ Kanye West ដែលជាអ្នកចម្រៀងរ៉េបល្បីរបស់អាមេរិក បានបរិច្ចាគថវិកាចំនួន ២ លានដុល្លារអាមេរិកដើម្បីឧបត្ថម្ភដល់ក្រុមគ្រួសាររបស់ George Floyd, លោក Ahmaud Arbery និង Breonna Taylor ។ នេះបើតាមអ្នកតំណាងរបស់លោក West បានប្រាប់ CNN ។
យោងតាមសារព័ត៌មាន CNN ចេញផ្សាយនៅថ្ងៃទី៥ ខែមិថុនា ឆ្នាំ២០២០ បានឱ្យដឹងថា ការបរិច្ចាគនេះរួមបញ្ចូលទាំងថវិកាសម្រាប់ថ្លៃសេវាស្របច្បាប់សម្រាប់ក្រុមគ្រួសាររបស់ Arbery និង Taylor រួមជាមួយអាជីវកម្មដែលគ្រប់គ្រងដោយជនជាតិស្បែកខ្មៅដែលមានវិបត្តិនៅក្នុងទីក្រុងឈីកាហ្គោ និងទីក្រុងដទៃទៀតរបស់គាត់។
អ្នកតំណាងរបស់លោក West បាននិយាយថា គាត់បានបង្កើតផែនការអប់រំ ៥២៩ ដើម្បីគ្របដណ្តប់លើការសិក្សានៅមហាវិទ្យាល័យសម្រាប់ Gianna Floyd ដែលជាកូនស្រីអាយុ ៦ ឆ្នាំរបស់ George Floyd ។
ការបរិច្ចាគរបស់លោក Kanye West បានកើតឡើងនៅពេលបាតុកម្មប្រឆាំងនឹង Floyd, Arbery និងការស្លាប់របស់ Taylor បានកើតឡើងនៅជុំវិញពិភពលោក។ សំឡេងជាច្រើននៅក្នុងការកម្សាន្តកំពុងអំពាវនាវឱ្យបញ្ឈប់ការរើសអើងជាតិសាសន៍ភាពសាហាវឃោរឃៅរបស់ប៉ូលីសនិងសកម្មភាពពីការដឹកនាំនយោបាយ។
មន្រ្តីប៉ូលីសបីនាក់ក្នុងទីក្រុង Minneapolis ដែលត្រូវបានចាប់ខ្លួននៅក្នុងការស្លាប់របស់ Floyd បានបង្ហាញខ្លួននៅតុលាការលើកដំបូងនៅរសៀលថ្ងៃព្រហស្បតិ៍ ខណៈដែលក្រុមគ្រួសារ Floyd បានទទួលសេវារំលឹកអនុស្សាវរីយ៍ដំបូងគេ៕ប្រែសម្រួលៈ ណៃ តុលា
