ZURICH៖ ការដេញថ្លៃរួមគ្នា របស់អូស្រ្តាលី និងនូវែលសេឡង់ ត្រូវបានវាយតម្លៃខ្ពស់បំផុត ដោយ FIFA ក្នុងចំណោមបេក្ខជន ៣ រូប ដែលប្រកួតប្រជែង ដើម្បីធ្វើជាម្ចាស់ផ្ទះព្រឹត្តិការណ៍ ការប្រកួតកីឡាបាល់ទាត់នារីឆ្នាំ ២០២៣ “2023 Women’s World Cup នេះបើយោងតាមការចេញផ្សាយ ពីគេហទំព័រជប៉ុនធូដេ។
FIFA បាននិយាយថា អូស្រ្តាលី – នូវែលហ្សេឡង់ទទួលបាន៤,១ ពិន្ទុពីពិន្ទុខ្ពស់បំផុត ក្នុងការវាយតម្លៃផែនការ គម្រោងរបស់ខ្លួន សម្រាប់ការប្រកួតនារី ដែលមាន៣២ក្រុមដំបូង។ ប្រទេសជប៉ុន ទទួលបានពិន្ទុ ៣,៩ ហើយកូឡុំប៊ី បានតាមលេខ ២,៨ ទោះបីជាយ៉ាងណាក៏ដោយ នៅតែមានលក្ខណៈគ្រប់គ្រាន់ សម្រាប់ការពិចារណា ដោយក្រុមប្រឹក្សា សេចក្តីសម្រេចរបស់ FIFA ជ្រើសរើសអ្នកឈ្នះនៅថ្ងៃទី ២៥ ខែមិថុនា។
FIFA បានវាយតម្លៃថា ការដេញថ្លៃរបស់អូស្រ្តាលី – នូវែលសេឡង់ ផ្តល់អត្ថប្រយោជន៍ច្រើនបំផុត សម្រាប់ពាណិជ្ជកម្ម។ ប្រទេសទំាងបាន លើឧទាហរណ៍ដ៏កម្រមួយនៃ“ សាមគ្គីភាព និងកិច្ចសហប្រតិបត្តិការ” នៅទូទាំងទ្វីប។ អូស្រ្តាលីជាសមាជិក សហព័ន្ធបាល់ទាត់អាស៊ី ហើយនូវែលសេឡង់ មកពីក្រុមអូសេអានី ចំណែកភាពស្មុគស្មាញ នៃការងារឆ្លងកាត់ព្រំដែន ក៏ត្រូវបានកត់សម្គាល់ផងដែរ។
បទពិសោធន៍របស់ប្រទេសជប៉ុន ក្នុងការធ្វើជាម្ចាស់ផ្ទះព្រឹត្តិការណ៍ធំ ៗ ត្រូវបានគេកោតសរសើរ ទោះបីជាវាចូលចិត្តធ្វើជាម្ចាស់ផ្ទះ ក្នុងអាកាសធាតុត្រជាក់នៃខែមិថុនា – កក្កដាជំនួសឲ្យកាលបរិច្ឆេទ ខែកក្កដា – សីហាដែលសហព័ន្ធពេញចិត្ត៕ ដោយ៖លី ភីលីព
