បរទេស ៖ ទូរទស្សន៍BBC ចេញផ្សាយនៅថ្ងៃព្រហស្បតិ៍ទី១១ ខែំមិថុនានេះបានឲ្យដឹងថា ក្រុមហ៊ុនបច្ចេកវិទ្យាយក្ស Amazon នៅសប្តាហ៍នេះបានអំពាវនាវ ដល់ក្រុមប៉ូលីសអាមេរិក គួរផ្អាកប្រើប្រាស់បច្ចេកវិទ្យាទាំងឡាយ ដែលមានមុខសំគាល់អត្តសញ្ញាតិ តាមរយៈការស្កេនមុខ។
នៅសប្តាហ៍នេះផងដែរ ក្រុមហ៊ុន IBM ក៏បានធ្វើការលើកឡើង ដូចគ្នានេះដែរហើយក៏បានប្រកាសដែថា ខ្លួននឹងបញ្ចប់រាល់កម្មវិធីទាំងឡាយ របស់ខ្លួនដែលពាក់ព័ន្ធទៅនឹងបច្ចេកវិទ្យានេះ ដោយអះអាងថាវា នឹងធ្វើឲ្យមាន ការរើសអើងពូជសាស។
Amazonបាននិយាយដែរថា ខ្លួនបានផ្ញើសំណើនេះ ទៅកាន់ក្រុមមន្ត្រីតាក់តែងច្បាប់ របស់អាមេរិករួចរាល់ហើយ ហើយសង្ឃឹមថា នឹងមានការផ្អាកការប្រើប្រាស់កម្មវិធី សំគាល់មុខទាំងអស់យ៉ាង ហោចណាស់ ក្នុងរយៈពេល១ឆ្នាំ៕
ប្រែសម្រួល៖ស៊ុនលី
