វ៉ាស៊ីនតោន ៖ មន្ទីរបញ្ចកោណ បានបញ្ជាក់ជាថ្មី នូវការប្តេជ្ញាចិត្តរបស់ខ្លួ នក្នុងការរក្សាជំហរ ការពាររួមបញ្ចូលគ្នា ដើម្បីឆ្លើយតបទៅនឹងស្ថាន ការណ៍ណាមួយ ដែលពាក់ព័ន្ធនឹងកូរ៉េខាងជើង បន្ទាប់ពីក្រុងព្យុងយ៉ាង បានចាត់វិធានការយោធា ប្រឆាំងនឹងកូរ៉េខាងត្បូង។
កាលពីថ្ងៃសៅរិ៍លោកស្រី គីម យូជុង ដែលជាប្អូនស្រី ដ៏មានឥទ្ធិពលរបស់ មេដឹកនាំកូរ៉េខាងជើងលោក គីម ជុងអ៊ុន បានគំរាមថា ក្រុងព្យុងយ៉ាង នឹងចាត់វិធានការ បន្ទាប់ប្រឆាំងនឹងកូរ៉េខាងត្បូង និងបានផ្តល់ការ ណែនាំដល់កងទ័ព ឱ្យចាត់វិធានការចាំបាច់ ដោយទីក្រុងសេអ៊ូល បានជំរុញឱ្យកូរ៉េខាងជើងគោរព តាមកិច្ចព្រមព្រៀង អន្តរកូរ៉េកន្លងមក ។
អ្នកនាំពាក្យ របស់មន្ទីរ បញ្ចកោណលោក John Supple បានឲ្យដឹងថា “ យើងនៅតែប្តេជ្ញារក្សាជំហរ ការពាររួមដ៏រឹងមាំមួយ” ក្នុងនោះលោកបានបដិសេធ មិនធ្វើអត្ថាធិប្បាយ លើសេចក្តីថ្លែងការណ៍ថ្មីៗ របស់រដ្ឋាភិបាល កូរ៉េខាងជើងនោះទេ៕
ដោយ ឈូក បូរ៉ា
