ក្លឹបតោខៀវ Chelsea ត្រូវបានគេដឹងគ្រប់គ្នាហើយថា មានបំណងយ៉ាងខ្លាំងក្លា ដើម្បីទិញកីឡាករខ្សែប្រយុទ្ធឆ្នើម ២រូប មកពីអាល្លឺម៉ង់ដូចជា Werner និង Havertz មកកាន់ទឹកដីអង់គ្លេស ឲ្យបាននៅរដូវក្តៅនេះ ប៉ុន្តែនឹងត្រូវចំណាយលុយ យ៉ាងច្រើនមួយសម្រាប់ផែនការនេះ។
នៅសប្តាហ៍នេះកាសែត អង់គ្លេសបានចេញផ្សាយថា Chelsea បានត្រៀមលក់កីឡាករ ល្បីវ័យក្មេងចំនួន ៣នាក់ដូចជា Emerson Palmieri, កីឡាករBatshuayi និងកីឡាករ Tiemoue Bakayoko ដើម្បីប្រមូលលុយមួយចំនួន មកបង្គ្រប់ទិញកីឡាករ Havertz ព្រមទាំងកីឡាករ គោលដៅមួយចំនួនផ្សេងផង។
លើសពីនេះដែរគេអាចដឹងបានថា កីឡាករទាំង ៣រូបនេះ នឹងត្រូវបន្ថែមចូលទៅក្នុងបញ្ជី កីឡាករលក់របស់ក្លឹបផ្សេងទៀត នៅក្នុងរដូវក្តៅនេះមានដូចជា៖ Zappacosta, Drinkwaterនិង Moses ជាដើមផងដែរ ៕
ប្រែសម្រួល៖ ស៊ុន លី
