កន្លងមកយើងបានដឹងហើយថា ក្លឹបយក្សអេស្បាញ Real Madrid តែងតែបន្តបំណងចង់បានកីឡាករខ្សែប្រយុទ្ធឆ្នើមបារាំង Kylian Mbappe ហើយនៅសប្តាហ៍នេះ កីឡាករ Modric បានធ្វើការលើកឡើងថា កីឡាករវ័យ២១ឆ្នាំរូបនេះ នឹងធ្វើការសម្រេចចិត្តចុងក្រោយ ដើម្បីចាកចេញពីបារាំងនិងជ្រើសយកលីគដែលមាន ការប្រកួតប្រជែងខ្លាំងក្លាជាងមុន។
កាសែតអង់គ្លេស The Mirror នៅថ្ងៃនេះបានសរសេរថា កីឡាកររបស់ក្លឹប Real Madrid គឺកីឡាករ Luka Modric ក្នុងនោះបានទាំងធ្វើការផ្ញើសារ ដោយផ្ទាល់ទៅកាន់ Mbappe ផងដែរនិងព្យាយាមបញ្ចុះបញ្ចូល កីឡាករវ័យក្មេងរូបនេះ ក្នុងការសម្រេចចិត្តចាកចេញពីបារាំងក្នុងពេលខាងមុខដើម្បីតាមចាប់ ក្តីស្រម៉ៃរបស់ខ្លួន។
ទោះបីជាយ៉ាងណាក្តីមកដល់ពេលនេះ ទំរង់លេងរបស់ Mbappe គឺកាន់តែខ្លាំងឡើងនិងបន្តរកគ្រាប់បាល់យ៉ាងរីករាយនិងងាយៗ នៅបារាំងដោយសរុបគ្រាប់បាល់ ក្នុងការប្រកួតចុងក្រោយទាំង៣២ដងឲ្យក្លឹបគាត់រកបានទៅដល់ ២៩គ្រាប់មកហើយ៕
ប្រែសម្រួល៖ស៊ុនលី
