អតីតកីឡាករឆ្នើមរបស់ក្លឹប បិសាចក្រហមMan Uniedលោក Berbatov បានធ្វើការលើកឡើងមួយនៅថ្ងៃនេះសរសើរផង និងទស្សទាយផង អំពីអនាគតក៏ដូចជាទំរង់លេងរបស់កីឡាករប្រេស៊ីល Fred នៅក្រោយពេលដែលកីឡាកររូបនេះ បានឆ្លងកាត់ពេលវេលាដ៏លំបាកពេលមកដល់ Old Trafford ដំបូង។
Dimitar Berbatov បានបញ្ជាក់អារម្មណ៍របស់គាត់ថា Fred បច្ចុប្បន្នចាប់ផ្តើមមានទំនុកចិត្តឡើងវិញហើយហើយក៏នឹងត្រៀមខ្លួនរួចរាល់ ដើម្បីក្លាយទៅជាកីឡាករដ៏ល្អបំផុត របស់ក្លឹបប្រចាំរដូវកាល។ លោកបន្តដោយសារមានអំណះអំណាងថា Fred ពេលនេះបានធ្វើឲ្យការលេង បាល់របស់ក្រុមទាំងមូលមានភាពងាយស្រួល មិនតានតឹងដូចកាលពីគ្រាមុនឡើយ។
គួរបញ្ជាក់ថាកាលពីឆ្នាំ២០១៨ បិសាចក្រហម Man United បានចំណាយលុយដល់ទៅ៥២លានផោនទិញយក Fred មកពីក្លឹប Shakhtar Donetsk ជាមួយនឹងកុងត្រារយៈពេល៤ឆ្នាំប៉ុន្តែកីឡាករវ័យ២៧ឆ្នាំរូបនេះហាក់ដូចជា មិនអាចបំពេញតួនាទីបានល្អឡើយក្រោមការដឹកនាំរបស់លោក Jose Mourinho ប៉ុន្តែបែរជាទទួលបានឱកាសថ្មីពីសំណាក់លោក Solskjaer ដែលជាគ្រូបង្វឹកក្រោយរបស់ក្លឹបទៅវិញ៕
ប្រែសម្រួល៖ស៊ុនលី
