សេអ៊ូល ៖ អ្នកតាមដាន កម្មវិធីហោះហើរម្នាក់ បានឲ្យដឹងថា យន្តហោះទម្លាក់គ្រាប់បែក យុទ្ធសាស្ត្រ ២ របស់សហរដ្ឋអាមេរិក ២គ្រឿងត្រូវបានគេប្រទះឃើញ នៅជិតឧបទ្វីបកូរ៉េ ខណៈកំពុងតានតឹងខ្លាំង ផ្នែកយោធាជាមួយកូរ៉េខាងជើង។
យន្តហោះធុន B-52H ចំនួនពីរគ្រឿង ត្រូវបានគេឃើញហោះហើរ នៅភាគខាងជើងប្រទេសជប៉ុន នៅថ្ងៃសុក្រ បើយោងតាមប្រភប វាមិនបានផ្តល់ព័ត៌មាន លម្អិតដូចជានៅពេល ដែលយន្ដហោះទម្លាក់គ្រាប់បែក ត្រូវបានគេប្រទះឃើញនោះទេ។
នេះជាលើកទី ២ ហើយដែលយន្ដហោះទម្លាក់គ្រាប់ បែកធុនធ្ងន់បានហោះ ក្បែរឧបទ្វីបកូរ៉េ ក្នុងសប្តាហ៍នេះ ។ កងទ័ពអាកាស ប៉ាស៊ីហ្វិកសហរដ្ឋអាមេរិក បានឲ្យដឹងថាយន្តហោះ B-52H ចំនួនពីរគ្រឿងបានចូលរួមក្នុងសមយុទ្ធរួមគ្នា មួយកាលពីថ្ងៃពុធជាមួយ ប្រទេសជប៉ុន លើសមុទ្រខាងកើត៕
ដោយ ឈូក បូរ៉ា
