អាមេរិក ៖ ក្រុមហ៊ុន Apple ចាប់ផ្តើមព្រឹត្តិការណ៍ឌីជីថលដំបូង បង្អស់របស់ខ្លួនដោយដាក់បង្ហាញ ប្រព័ន្ធប្រតិបត្តិការ iOS 14 និងមុខងារថ្មីៗជាច្រើន ដែលត្រូវបានរចនាឡើង ជាមួយ App library ក៏ដូចជាឧបករណ៍រូបភាព អាចឲ្យអ្នកមើលវីដេអូ ផ្ញើសារ ឬប្រើកម្មវិធីផ្សេងទៀត លើiPhone កាន់តែមានភាពរលូន នេះបើយោងតាមការចេញផ្សាយ ពីគេហទំព័រឌៀលីម៉ែល ។
យោងតាម Apple បានឲ្យដឹងថា iOS 14 នឹងអាចរកបានសម្រាប់អ្នករាល់គ្នា នៅរដូវស្លឹកឈើជ្រុះនេះ ជាមួយនឹងការសាកល្បង សាធារណៈសម្រាប់អ្នក ប្រើប្រាស់នៅខែកក្កដា។ ប្រព័ន្ធប្រតិបត្តិការ iOS ថ្មីនឹងដំណើរការលើ iPhone 6S និងខ្ពស់ជាងប្រព័ន្ធប្រតិបត្តិការ iOS 13 ។
ក្នុងចំណោមការណែនាំសំខាន់ៗ គឺបណ្ណាល័យកម្មវិធី “App library” មួយត្រូវបានរចនាឡើង ដើម្បីផ្តល់ឲ្យអ្នកប្រើប្រាស់ នូវមធ្យោបាយងាយស្រួលក្នុងការ ចូលប្រើកម្មវិធីរបស់ពួកគេដោយ មិនចាំបាច់រំកិលទំព័រ ដែលមិនចេះចប់ ។
លក្ខណៈពិសេសនេះ ក៏រៀបចំកម្មវិធី ដែលមានមូលដ្ឋាន លើក្រុមដូចជាកម្មវិធីជាមួយគ្នា ។ វាទាញហ្គេម Apple Arcade ចូលទៅក្នុងប៊ូតុងមួយ ដែលអាចចុចបាន ហើយវាក៏អនុញ្ញាតឲ្យ អ្នកប្រើលាក់កម្មវិធីនៅលើអេក្រង់ ដើមរបស់ពួកគេដើម្បីកាត់បន្ថយការប៉ះទង្គិច ៕ដោយ៖លី ភីលីព
