យោងតាមការចេញផ្សាយ របស់កាសែត Avaz នៅថ្ងៃនេះបានសរសេរថា គ្រូបង្វឹកក្លឹប Juventus លោក Maurizo Sarri បានធ្វើការប្រកាស បដិសេធថា លោកបានឈាន ទៅដល់ជម្លោះ ជាមួយនឹងកីឡាករ របស់ខ្សែបម្រើ Miralem Pjanic។
ការប្រកាសឆ្លើយតបនេះ ត្រូវបានធ្វើឡើង នៅក្រោយពេល ដែលមានសារព័ត៌មាន ជាច្រើនបានចុះផ្សាយអំពីករណីនេះ ហើយលោកបាននិយាយបែបនេះថា វាជាព័ត៌មានមិនពិតឡើយ ពួកយើងមិន ដែលមានជម្លោះអ្វីនោះទេ ហើយលោកបានបញ្ជាក់ថា Pjanicគឺជាកីឡាករដ៏សំខាន់ម្នាក់និងជាកីឡាករដែលបង្ហាញខ្លួនលេងឲ្យក្លឹបបានច្រើនបំផុតនៅរដូវកាលនេះ។
លោកបានបន្តទៀតថា គាត់ជាកីឡាករ ដ៏សំខាន់បំផុត សម្រាប់ក្លឹបហើយលោកតែងតែផ្អែកខ្លាំង ទៅលើកីឡាករបូស្នៀរូបនេះរហូតមក ។ គួរបញ្ជាក់ថាអស់រយៈពេលជាងកន្លះឆ្នាំ មកហើយដែលព័ត៌មាន ជាច្រើនបានសរសេរថា Pjanic កំពុងពិចារណាក្នុងចាកចេញពីអ៊ីតាលី៕
ប្រែសម្រួល៖ស៊ុនលី
