វ៉ាស៊ីនតោន ៖ ប្រធានាធិបតី សហរដ្ឋអាមេរិកលោក ដូណាល់ ត្រាំ បានលើកឡើងថា លោកប្រហែល ជានឹងបញ្ជូនកងទ័ព សហរដ្ឋអាមេរិកមួយចំនួន ពីប្រទេសអាឡឺម៉ង់ ទៅកាន់ប្រទេសប៉ូឡូញ ក្នុងអំឡុងសន្និសីទ សារព័ត៌មាន រួមគ្នា របស់លោកជាមួយប្រធានាធិបតី ប៉ូឡូញលោក Andrzej Duda ។
លោកឌូដា ដែលជាមេដឹកនាំបរទេសដំបូងគេ ដែលបានមកធ្វើទស្សនកិច្ច នៅសហរដ្ឋអាមេរិក ចាប់តាំងពីមានការផ្ទុះឡើង នៃវីរុសនេះបានឲ្យដឹង នៅក្នុងសន្និសីទថា មានលទ្ធភាពនៃការកើនឡើង បន្ថែមទៀតនៃកងទ័ពអាមេរិក នៅក្នុងប្រទេសរបស់លោក ។
សកម្មភាពបែបនេះ អាចបង្កើនក្តីបារម្ភផ្នែកសន្តិសុខ ពីប្រទេសរុស្ស៊ី ដែលបានសម្តែងការប្រឆាំងម្តង ហើយម្តងទៀត ចំពោះការបង្កើតយោធា របស់ណាតូ នៅជិតព្រំដែនរបស់ខ្លួន ៕
ដោយ ឈូក បូរ៉ា
