បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃអាទិត្យនេះ បានឲ្យដឹងថា កិច្ចព្រមព្រៀងមួយ រវាងប្រទេសប្រេស៊ីលនិងអង់គ្លេស ត្រូវបានធ្វើឡើងជាផ្លូវការហើយ ដើម្បីចាប់ផ្តើមការងារផលិតវ៉ាក់សាំង ការពារកូវីដ១៩ នៅក្នុងប្រទេសអាហ្វ្រិកមួយនេះ។
កិច្ចព្រមព្រៀង ដែលត្រូវបានធ្វើការប្រកាសឡើង ដោយក្រសួងសុខាភិបាលប្រេស៊ីលនៅថ្ងៃនេះ ដោយក្នុងនោះបញ្ជាក់ថា នឹងប្រើប្រាស់បច្ចេកវិទ្យាក្នុងស្រុក ដើម្បីផលិតវ៉ាក់សាំង ដែលបច្ចុប្បន្ន កំពុងត្រូវបានបន្តការងារអភិវឌ្ឍនៅឡើយ ដោយសកលវិទ្យាល័យ Oxford និងក្រុមហ៊ុន AstraZeneca ។
យោងតាមការប្រកាសដដែល បានបញ្ជាក់ទៀតថា ប្រសិនបើផែនការនេះជោគជ័យនោះ ប្រេស៊ីលនឹងអាចក្លាយ ទៅជាទីតាំងផលិតវ៉ាក់សាំង ប្រមាណជា១០០លានដូស ហើយដំណាក់កាលដំបូង អាចចាប់ផ្តើមនៅចុងឆ្នាំ២០២០ ប្រមាណជា១៥,២លានដូស ហើយនៅសេសសល់ នឹងត្រូវផលិតឲ្យបានគ្រប់ នៅដើមឆ្នាំ២០២១៕
ប្រែសម្រួល៖ស៊ុនលី
