The Sunsports ចេញផ្សាយ នៅថ្ងៃពុធទី២៣ខែតុលានេះ បានឲ្យដឹងថា ក្លឹបបិសាចក្រហមan Unitedកំពុងនាំមុខគេក្នុងការចចារនាំយក ខ្សែប្រយុទ្ធវ័យចំណាស់ Mario Mandzukic មកអង់គ្លេសប៉ុន្តែក្នុងពេលនេះ កីឡាករផ្ទាល់ បានទាមទារប្រាក់ កម្រៃរហូត ទៅដល់៣០ម៉ឺនផោន ក្នុងមួយសប្តាហ៍។
កីឡាករវ័យ៣៣ឆ្នាំរូបនេះ ត្រូវបានគេមើលឃើញថានឹងអាច ផ្លាស់មកកាន់ទឹកដីOld Trafford នៅរដូវក្តៅនេះប៉ុន្តែកំពុងស្ថិតនៅ ក្នុងស្ថានភាពចចារគ្នាខ្លាំង ជាពិសេសលើប្រាក់កម្រៃដោយសារតែ ក្លឹបក្រោមការដឹកនាំរបស់លោក Solkjare ហ៊ានត្រឹមតែពាក់កណ្តាលនៃការទាមទារ របស់កីឡាករប៉ុណ្ណោះគឺ១៥ម៉ឺនផោន ក្នុងមួយសប្តាហ៍។
គួរឲ្យដឹងដែរថាកីឡាករខ្សែប្រយុទ្ធក្រូអាត ដែលកំពុងលេងឲ្យក្លឹបJuventusរូបនេះ ក៏កំពុងត្រូវបានផ្តល់សំណើរ ជាច្រើនផងដែរពីសំណាក់ក្លឹបនានា ជាពិសេសក្លឹបនៅក្នុងប្រទេសកាតាប៉ុន្តែជឿជាក់ថា កីឡាករផ្ទាល់ចង់មក លេងនៅអង់គ្លេសខ្លាំងជាង៕ប្រែសម្រួល:ស៊ុនលី
