ប៉ូឡូញ៖ កម្មករសំណង់ បានប្រទះឃើញផ្នូរ ប្រហែលជាង១០០ ដ៏គួរឲ្យរន្ធត់មួយ ខណៈកំពុងបម្រើផ្លូវ នៅប្រទេសប៉ូឡូញ គឺជាកន្លែងបញ្ចុះសពដ៏ធំមួយ ដោយមានផ្ទុកសាកសពមនុស្ស ១១៥ នាក់ ហើយខ្លះមានកាក់ នៅក្នុងមាត់របស់ពួកគេ នេះបើយោងតាមការចេញផ្សាយ ពីគេហទំព័រឌៀលីម៉ែល។
ទីបញ្ចុះសព ត្រូវបានគេរកឃើញ ស្ថិតនៅក្នុងព្រៃមួយ ដែលជាតំបន់ទុក សម្រាប់ធ្វើផ្លូវ Motorway S19 របស់ប្រទេសដែលជាផ្នែកមួយ នៃគម្រោងផ្លូវdoy លាតសន្ធឹងពីប្រទេសក្រិក ទៅលីទុយអានី។ កន្លែងបញ្ចុះសព មានតាំងពីចុងសតវត្សរ៍ទី១៦ ហើយយ៉ាងហោចណាស់ មានគ្រោងឆ្អឹងចំនួន៧០ ភាគរយជារបស់កុមារ។
កាក់ទាំងនេះ គឺជាផ្នែកមួយនៃជំនឿមុនគ្រឹស្តសករាជ ហើយត្រូវបានគេ ដាក់នៅក្នុងមាត់មនុស្សស្លាប់ ត្រូវបានប្រើជាការបង់ប្រាក់ សម្រាប់អ្នកជិះកាណូត ដើម្បីនាំព្រលឹងឆ្លងកាត់ទន្លេ ដែលបានបែងចែកពិភព នៃការរស់នៅ និងអ្នកស្លាប់។ គ្រោងឆ្អឹងត្រូវបានរកឃើញដំបូងគេ នៅតំបន់ Jeżowe នៅជិតទីប្រជុំជន Nisko ក្នុងខេត្ដ Podkarpackie។
អគ្គនាយក នៃអគ្គនាយកដ្ឋានផ្លូវថ្នល់ជាតិ និង Motorways បានប្រាប់សារព័ត៌មានថ្មីៗថា ផ្អែកលើការសង្កេតបុរាណវិទ្យា រហូតមកដល់បច្ចុប្បន្ន យើងអាចសន្និដ្ឋានបានថា ប្រហែលជា ៧០-៨០ ភាគរយនៃការបញ្ចុះទាំងអស់ គឺជាកូនក្មេង ហើយសរុបមក មានគ្រោងឆ្អឹងចំនួន ១១៥៕ ដោយ៖លី ភីលីព
