មកដល់សប្តាហ៍នេះទៅហើយទោះបី ជាយ៉ាងណាអនាគតរបស់កីឡាករខ្សែប្រយុទ្ធ Aubameyang ហាក់ដូចជាមិនទាន់មានភាពច្បាស់លាស់ នៅឡោះយខណៈដែលកុងត្រាក៏ចេះតែរំកិលខិត ជិដល់ពេលចុងបញ្ចប់។
នៅថ្ងៃនេះ The Mirror បានសរសេរថាគ្រូបង្វឹក របស់ក្លឹបហង្សក្រហម Liverpool លោក Jurgen Klopp ត្រូវបានគេជឿជាក់ថាកំពុងមានមនុស្សជាច្រើនស្នើឲ្យគាត់ក្នុងការពិចារណាទិញយកខ្សែប្រយុទ្ធរូបនេះ មករួមក្លឹបដោយបុគ្គលទាំងពីរនាក់ធ្លាប់ស្គាល់ ចិត្តថ្លើមគ្នាខ្លាំងហើយកាលពីពេលនៅ Dortmund ជាមួយគ្នា។
ទោះបីជាទើបលើកពាន Champion League និង Premier League ក្តីប៉ុន្តែ Liverpool ត្រូវបានគេមើលឃើញថាមានកង្វះខាតតំបន់ប្រយុទ្ធខ្លះដែរសម្រាប់ការពារតំណែងជើងឯករបស់ខ្លួនរដូវកាល ក្រោយដែលយ៉ាងហោចណាស់ក៏ត្រូវមានខ្សែប្រយុទ្ធចំណូលថ្មីម្នាក់ប្រសិនបើ Mane, Firmino ឬ Salahរបួស៕
ប្រែសម្រួល៖ស៊ុនលី
