បរទេស៖ អតីតសមាជិកសមាជិកា យុទ្ធនាការរាប់រយនាក់ និងមន្ត្រី របស់ប្រធានាធិបតីទី ៤៣ សហរដ្ឋអាមេរិក បានរួបរួមគ្នានៅក្នុងការជំរុញថ្មីមួយដោយគណបក្សសាធារណរដ្ឋដែលមិនពេញចិត្ត ដើម្បីព្យាយាមនិងបណ្តេញលោកដូណាល់ត្រាំចេញ។
យោងតាមសារព័ត៌មាន Sputnik ចេញផ្សាយនៅថ្ងៃទី២ ខែកក្កដា ឆ្នាំ២០២០ បានឱ្យដឹងថា ក្រុមអ្នកជំនាញរបស់អតីតប្រធានាធីបតី លោក George W. Bush បានគាំទ្របេក្ខជនរបស់គណបក្សប្រជាធិបតេយ្យ គឺលោក Joe Biden មុនពេលការបោះឆ្នោតប្រធានាធិបតីខែវិច្ឆិកា។
ក្រុមនេះត្រូវបានបង្កើតឡើងដោយមន្រ្តីនិង លេខាធិការខុទ្ទកាល័យប្រមាណ ២០០ នាក់ ដែលបានធ្វើការជាមួយលោក George W. Bush ក្នុងកំឡុងពេលដែលលោកជាប្រធានាធិបតី ក៏ដូចជាអ្នកដែលជាផ្នែកមួយនៃយុទ្ធនាការឃោសនាបោះឆ្នោតរបស់ លោកទាំងពីរ គឺទាំងគណបក្សសាធារណរដ្ឋ បក្សប្រជាធិបតេយ្យ និងឯករាជ្យ។ វាបានបើកដំណើរការ Super PAC កាលពីថ្ងៃពុធ ដោយហៅថា 43 Alumn សម្រាប់ លោក Biden។
ក្រុមនេះបាននិយាយនៅក្នុងសេចក្តីប្រកាស ព័ត៌មានមួយថា ខ្លួន«ស្វែងរកការរួបរួមនិងប្រមូល សហគមន៍អ្នកបោះឆ្នោតជាប្រវត្តិសាស្ត្ររបស់អ្នកសាធារណរដ្ឋ ដែលមានការស្រងាកចិត្តនិងខកចិត្តចំពោះការខូចខាតដែលបានធ្វើចំពោះប្រជាជាតិរបស់យើងដោយប្រធានាធិបតី របស់លោកដូណាល់ត្រាំ»។
លោកស្រី Karen Kirksey ប្រធានគណៈកម្មាធិការរៀបចំកម្មវិធី 43 Alumni ដែលបានធ្វើការក្នុងយុទ្ធនាការកាលពីឆ្នាំ ២០០០ របស់ Bush បាននិយាយថា ការគាំទ្រលោក Biden គឺមិនចាំបាច់គាំទ្រពេញទំហឹងនៃរបៀបវារៈនយោបាយរបស់គាត់ទេ ប៉ុន្តែជាកិច្ចព្រមព្រៀងពេញលេញជាមួយនឹងតម្រូវការបន្ទាន់ដើម្បីស្តារព្រលឹងរបស់ប្រទេសនេះ៕ប្រែសម្រួលៈ ណៃ តុលា
