បរទេស៖ ក្រុមហ៊ុនការពារជាតិ ខ្នាតយក្សសហរដ្ឋអាមេរិក Boeing Co. នាពេលថ្មីៗនេះ បានធ្វើការប្រកាសប្រាប់ថា ខ្លួនបានដឹកជញ្ជូនឧទ្ធម្ភាគចក្រ AH-64E Apache ចំនួន២២គ្រឿង និងឧទ្ធម្ភាគចក្រ CH-47 Chinook ចំនួន១៥គ្រឿង ឲ្យដល់កងទ័ពជើងអាកាសរបស់ប្រទេសឥណ្ឌា។
ចំណែកសេចក្តីថ្លែងការណ៍ក្រុមហ៊ុន Boeing មួយ តាមសេចក្តីរាយការណ៍ បាននិយាយប្រាប់ថា ឧទ្ធម្ភាគចក្រ Apache ចំនួន៥គ្រឿងចុងក្រោយ ទើបបានប្រគល់ឲ្យកងទ័ពជើងអាកាសឥណ្ដាំ នៅមូលដ្ឋានទ័ពអាកាស Hindan កាលពីថ្ងៃសុក្រម្សិលមិញនេះ។ កាលពីក្នុងខែមីនា ក្រុមហ៊ុន Hindan បានប្រគល់ឧទ្ធម្ភាគចក្រធុនធ្ងន់ Chinook ចំនួន៥គ្រឿងចុងក្រោយផងដែរ។
គួរបញ្ជាក់ថា កិច្ចព្រមព្រៀងទិញឧទ្ធម្ភាគចក្រ រវាងក្រុមហ៊ុនការពារជាតិខ្នាតយក្សសហរដ្ឋអាមេរិក និងក្រសួងការពារជាតិនៃប្រទេសឥណ្ឌា ត្រូវបានសម្រេចជាចុងក្រោយ នៅក្នុងឆ្នាំ២០១៥ ហើយនៅក្នុងឆ្នាំ២០១៦ ប្រទេសឥណ្ឌា ត្រូវបានសហរដ្ឋអាមេរិកចាត់ទុកថា ជាដៃគូការពារជាតិដ៏ចម្បងមួយ៕
ប្រែសម្រួល៖ប៉ាង កុង
