កីឡាករខ្សែបម្រើប្រយុទ្ធ James Rodrigues ត្រូវបានគេជឿជាក់ថា បានត្រៀមខ្លួនរួចរាល់ហើយ សម្រាប់ការចាកចេញពីទឹកដី នៃក្លឹប Real Madrid បន្ទាប់ពីកិច្ចពិភាក្សាគ្នាចុងក្រោយ ជាមួយនឹងគ្រូបង្វឹកលោក Zindine Zidane រួចមក។
ក្លឹបជាច្រើននៅអង់គ្លេស ក៏បានបង្ហាញចំណាប់អារម្មណ៍ខ្លាំង សម្រាប់កីឡាករ ខ្សែបម្រើសញ្ជាតិកូឡំប៊ីរូបនេះផងដែរ ប៉ុន្តែសារព័ត៌មាន ដែលចេញផ្សាយ នៅក្នុងប្រទេសបារាំង បានបញ្ជាក់ថា PSG ក៏កំពុងប្រជែង យកកីឡាករខ្សែប្រយុទ្ធ ជើងឆ្វេងរូបនេះដែរ។
យោងតាមសារព័ត៌មាន របស់ប្រទេសបារាំង បានបញ្ជាក់ថា ជើងឯក Ligue 1 មួយនេះគឺកំពុងព្យាយាម ដើម្បីធានាតំណែងមួយសម្រាប់ James នៅរដូវកាលក្រោយ ក្នុងពេលដែលការដោះដូរកីឡាករ នឹងត្រូវចាប់ផ្តើមនាពេលខាងមុខ៕
ប្រែសម្រួល៖ស៊ុនលី
