របាយការណ៍ ដែលបានចេញផ្សាយដោយ Daily Mail នៅថ្ងៃនេះបានសរសេរថា ក្លឹបបិសាចក្រហម Man United បានបង្ហាញពីបំនងចង់បាន ហត្ថលេខារបស់កីឡាករប្រធាន ក្រុមរបស់ក្លឹប Torino កីឡាករ Andrea Belotti ខណៈដែលលោក Ole Solskjare នៅតែបន្តស្វែងរកខ្សែប្រយុទ្ធ នៅឡើយក្នុងទីផ្សារដោះដូរបច្ចុប្បន្ន។
ប្រភពដដែលបានសរសេរទៀតថា មិនត្រឹមតែប៉ុណ្ណោះសូម្បីតែខ្សែប្រយុទ្ធ Victor Osimhen និង Moussa Dembele ក៏ត្រូវបានគេជឿជាក់ដែរថា មានទំនាក់ទំនងក្នុងការផ្ទេរមក Old Trafford ផងដែរ ។ កីឡាករ Belotti បច្ចុប្បន្នត្រូវបានគេចាត់ទុកថា ជាខ្សែប្រយុទ្ធល្អបំផុតនៅលីគកំពូល Serie A ដោយជាមធ្យមរកបាន១គ្រាប់ ក្នុងការប្រកួតចំនួន២ដងឲ្យក្លឹប។
តាមតួលេខបច្ចុប្បន្ន ការបង្ហាញខ្លួន សរុប១៨៧ដង ឲ្យ Torino កីឡាករខ្សែប្រយុទ្ធ វ័យ២៦ឆ្នាំរូបនេះ អាចស៊ុតបញ្ចូលទីបាន៩២គ្រាប់ មកហើយបើទោះបីជាបច្ចុប្បន្នក្លឹប ស្ថិតនៅលេខរៀងទី១៥ នៅក្នុងលីគកំពូលនេះក្តី៕
ប្រែសម្រួល៖ស៊ុនលី
