តូក្យូ ៖ សមាជិកម្នាក់ របស់ក្រុមចម្រៀងជប៉ុន AKB48 នាង Kayoko Takita ត្រូវបានបញ្ជាក់ថា បានឆ្លងមេរោគCOVID-19 យោងតាមក្រុមហ៊ុនគ្រប់គ្រង idol group បានឲ្យដឹងថា តារាចម្រៀងស្រីអាយុ ២៣ ឆ្នាំរូបនេះ ត្រូវបានគេបញ្ជូនទៅមន្ទីរពេទ្យ ដើម្បីព្យាបាលយោងតាមការចេញផ្សាយ ពីគេហទំព័រជប៉ុនធូដេ ។
ការប្រកាសនេះ ត្រូវបានធ្វើឡើង នៅលើប្លុកផ្លូវការរបស់ក្រុមនេះ ត្រូវបានគេបង្ហាញថា នាង Takitaធ្លាក់ខ្លួនឈឺ ដោយមានគ្រុនក្តៅ ៣៧,២ អង្សាសេកាលពីថ្ងៃទី៩ ខែកក្កដា ដែលវិលត្រឡប់មកធម្មតាវិញ នៅថ្ងៃបន្ទាប់ ។ តារាចម្រៀងរូបនេះបានស្ម័គ្រចិត្ត មិនព្រមចេញទៅក្រៅ ក្នុងកំឡុងពេលនេះ ហើយចៀសវាងទំនាក់ទំនង ជាមួយអ្នកដទៃ បន្ទាប់ពីកត់សម្គាល់ ពីការផ្លាស់ប្តូរសមត្ថភាព របស់នាងក្នុងការភ្លក្សរសជាតិ និងក្លិននៅថ្ងៃទី ១១ ខែកក្កដានាង Takitaបានទទួលការធ្វើតេស្តិ៍ PCR នៅថ្ងៃទី ១៨ ខែកក្កដា ពីមណ្ឌលសុខភាព សាធារណៈ ។
អារម្មណ៍ និងរសជាតិរបស់ Takita បានវិលត្រឡប់មកវិញ ហើយនាងត្រូវបានគេនិយាយថា មិនមានរោគសញ្ញា ដូចជាគ្រុនក្តៅ ឬគ្រុនក្តៅឡើយ។ ទោះយ៉ាងណាក្រុមហ៊ុនគ្រប់គ្រង កំពុងចាត់វិធានការចាំបាច់ទាំងអស់ ដើម្បីធានាដល់សុខភាព របស់តារាចម្រៀង របស់ពួកគេ ដែលបានចូលជាសមាជិក ក្រុមតាំងពីឆ្នាំ ២០១៣ ៕ ដោយ៖លី ភីលីព
