យោងតាមការចេញផ្សាយ របស់កាសែតបរទេសនៅថ្ងៃនេះ បានអះអាងថា កីឡាករខ្សែប្រយុទ្ធហ្គាបុង Aubameyang មកដល់ពេលនេះ នៅតែមិនទាន់ដកចិត្តឡើយ អំពីក្តីសុបិន្តទៅលេង ជាមួយនឹង Barcelona ទោះបីជាគ្រូបង្វឹកក្លឹប លោក Mikel Arteta បញ្ជាក់ថា នឹងអាចបន្តកុងត្រាកីឡាកររូបនេះក្តី។
ប្រភពដដែល បានសរសេរទៀតថា ទោះបីជាការផ្ទេរ Barcelona មិនអាចទៅរួចមែនរដូវក្តៅនេះ ក្នុងករណីណាមួយក្លឹបមេឃខៀវ Man City ក៏នឹងអាចក្លាយទៅជាគោលដៅ របស់កីឡាករខ្សែប្រយុទ្ធវ័យ៣១ឆ្នាំ នេះផងដែរ ខណៈដែល Arsenal ពេលនេះកំពុងឈរ នៅលេខរៀងទី១០ គ្មានសង្ឃឹមលេងពានអ៊ឺរ៉ុបឡើយ រដូវកាលក្រោយ។
ទាំង Sky Sports និង Sports ក៏បានចេញផ្សាយដូចគ្នានេះដែរថា កីឡាករខ្សែប្រយុទ្ធ ដែលរកគ្រាប់បាល់ បានច្រើនជាងគេរបស់ Arsenal រូបនេះ នឹងមិនមានបំណងចង់បន្តនៅ Emirates ឡើយ ហើយទំនងជានឹងបដិសេធ មិនបន្តកុងត្រាថ្មី ដែលនៅសេសសល់តែ១ឆ្នាំទៀត នោះឡើយ៕
ប្រែសម្រួល៖ស៊ុនលី
